我們都是無與倫比的美麗

 

這個平安夜看蘇打綠才是重要的事!這個平安夜的廣州并不寂寞,因為有蘇打綠,還有女神同我一齊睇!早早已經計劃要看蘇打綠首次到廣州的演唱會,卻遲遲沒有買票,決定要在這個聖誕來一場冒險到開場前買黃牛,最後找到演出公司的贈票,這個聖誕,真的是太興奮太驚險。

 

未開show前我們已經在自high。在中信的路旁高唱節日歌,99-2同99-5的共同回憶《Jingle Bells》。然後分別致電南京、上海、北京,「公開」我的最新戀情,「6年了,我終於把她追到手了!」可惜我不是倪震先生,沒有「動搖過才懂得堅定;失去過才學會珍惜」。可惜,沒有人相信,因此向全個大中華地區「公開」的計劃就到開show前為止。

 

開show了!雖然喜歡蘇打綠時間不短,但卻沒有把他們的歌的歌詞和歌名記住,國語聽力差的我其實成晚都唔知吳青峰喺度唱乜。不過總之我就是high爆!蘇打綠聖誕歌remix嘅時候,我哋喺台下不斷大唱「Jingle Bells Jingle Bells」(點擊播放)! 王菲的《夢中人》在你口中真的聽不懂,但是這是引爆全場的時候。(點擊播放)仲有仲有,《小情歌》粵語版!!!哇,粵語版啊!!!還有,青峰竟然不是GAY?!他不是,全世界都不是了!還有還有,家凱,快脫衣服,快!!!可惜,不知道是廣州人內斂還是一直沒有對廣州的演唱會有encore的期待,呢唱演唱會因為「時間限制」嘅情況下,佢哋唱多咗幾首歌就完咗喇。連我第一次聽,就把我混亂的心情變得平靜的《相信》也欠奉。

 

或者,正如青峰所講,喜歡蘇打綠的人就是喜歡他們不太一樣。又或者,我們真的不一定要走一條跟大家一樣的路。最近的壓力很大很大,在久違了的與好友的談心之後,心情已舒暢下來。在復習美國文學的時候,我特意把Robert Frost的The Road Not Taken中的這句抄寫了一次:I took the one less traveled by, And what has made all the difference. 或者,我們選擇的路真的不太一樣,不過其實每個人都有各自的選擇。我承認,我真的眼紅你,你不就是甚麼甚麼甚麼,才有現在甚麼甚麼甚麼;你明明就是甚麼甚麼甚麼,為甚麼你就是不肯再我們面前去承認…………

 

其實,對於自己來說,
我們都要有自信,
我就是「無與倫比的美麗」!

 

而繼續自己選擇的路的我們,
也都會有資格和底氣說:
「我的未來不是夢」!

 

 

多謝Dannie,和她送的我女神周麗淇寫的書《細味心事》;
多謝Giby,與好友聊天就應該是沒有壓力。

最後送上《小情歌》粵語版的視頻和歌詞:

心中平平凡凡的小情歌
代表你我心中的愛慕
我想我會傾訴 當有你的肩膊
青春在風中唱歌
就算是 暴雨令這個城市反轉顛倒
我會給你擁抱 停不了
遇見你背影來到
留下我 度秒似年難過的離騷
就算這個世界讓寂寞俘虜
我也無法感覺 走不了
最後你我都知道
只得我 時間與琴聲糾纏的城堡

 

  

 

 

 

 

The End

Advertisements

如果「阿爺」迫你睇紅色中央十台?

 

前排其實唔係好忙,每日翻工翻學嘅日子過得好充實。不過當六點鐘天色已黑放工離開公司去逼巴士嘅時候,心情就會異常低落。而現在進入期末復習考試階段,開始忙碌打仗的日子,我反而想密集翻更新自己個網誌。畢竟,有冇人睇有冇人留言唔緊要,呢度係要記錄自己嘅步伐同腳印。

 

我今日想講王維基。大家冇睇開香港新聞,或者冇關心開香港時政嘅人可能唔知道呢個人係乜水。不過佢係呢兩日嘅風頭躉。人稱電訊魔童嘅佢12月4號入住亞視做行政總裁(Chief Executive Officer),揚言亞視要改革,唔做「紅色中央十台」,唔問「阿爺」攞錢,要做香港人嘅電視台。當時睇咗新聞我係眼前一亮為之一震。呢個「親共台」真係可以撇甩紅色,如果係,我會好開心。你睇下呢幾年嘅亞視新聞,完完全全就係「親共」,連七一遊行同埋六月嘅燭光晚會都冇乜點報道啊,你叫人點睇啫!(雖然,你報道咗我都睇唔到,因為我唔係香港人,而且身處祖國大陸。)亞視,從「六君子」事件開始,已經一步步淪陷喇。王維基一入主就揚言改革,走non-drama非劇集嘅中高產路線,吸引「唔睇珠光寶氣」嘅觀眾(其實我睇嘎,不過我都好愛資訊類節目),做大翻電視呢一個餅。我當然希望佢改革成功。作為普通觀眾嘅我,如果佢改革成功,我當然會受益。

 

可惜上任短短12日,亞視就上演「羅生門」,到今日塵埃落定,王維基正式辭職。你又點睇?雖然亞視口口聲聲話呢個係行政決定唔係商業決定。不過貌似大部分評論,包括我自己嘅睇法,都係認為佢公開高調反「阿爺」,得罪咗「阿爺」,得罪咗亞視股東。你睇下亞視嘅股權分布,內地國安有股份嘎,幾恐怖啊!

 

有人話,咁唔睇亞視,睇翻無綫米得咯!你咪咁開心住,回歸之後香港媒體界多咗樣嘢,叫「自我審查」。黃毓民、譚志強都話,「自我審查」先係恐怖啊!你會驚報道呢篇新聞會得罪「阿爺」,咁就唔報道佢啲衰嘢咯。你要知道,香港應該係高度自治嘎嘛,點解要搞成咁喎。呢邊廂,蘋果化已經搞到媒體垃垃亂,嗰邊廂,以為冇事嘅媒體就「自我審查」,莫非你要學大陸實行愚民政策咩?!我唔係話中央台(CCTV)節目質素唔好。不過社會需要多元嘅聲音先至可以進步。單一發聲可能你自己覺得冇乜嘢,不過久而久之,問題始終會浮現。

 

寫到呢度,好多人話我唔愛國。其實我有底氣同大家講,我好愛國,比起嗰啲日日爭住入共產黨但係不問政治經濟民生大事嘅人愛國得多。只不過,係唔係愛國嘅概念搞錯咗呢?當然我認同「沒有『阿爺』就沒有新中國」,但係,係唔係「阿爺」真係大曬啫?你出個紅頭文件,就唔比人報到遊行、示威、騷亂、維權、警民衝突、征地糾紛。一聲令下,一堆媒體人要落台,你點可以咁噶。噚日聽咗譚志強喺網上電台度話我哋啊,認為愛國就等於愛「阿爺」嘅內地人啊,「做慣咗奴隸」啊!咁我唔想嘎嘛,我扭開電視五十幾個台,全部都係紅色嘅(包括比人cut曬廣告同新聞嘅無綫),你估我想嘅咩。譚先生,我唔想做奴隸啊,我冇做慣噶,我被逼嘎!

 

之前傳言碧桂園要收歸邵氏收購TVB,即係翡翠台要變順德台。哇,咁無綫亞視都係紅色嘅,點睇啊?!現在金融海嘯搞到冇咗聲氣,不過邵爵士賣TVB係遲早嘅事情。不過,我唔想見到由細睇到大嘅TVB變紅變墮落。

 

如果「阿爺」逼你睇中央十台,你會點呢?

如果有一日要瞓街

 

個題目好似唔多搭,
新冶又好似有啲悶,
都係繼續唔煙唔賭,
至於酒?哈哈,冇事。

 

 

 

印象中,貼紙相係02至03年冬季,「很有希望的笑容」(我詞窮,唔知點形容,成日影相叫人咁笑)。咁就5年喇,我都仲未搬噶,得閑殺上嚟啦。

 

%d bloggers like this: