sky walk

 

 

我英文差,
一度把idle錯看成ideal。
才發現自己沒有idle過,卻一直活在ideal中,但離ideal life還很遠。

 

回家的路上,司機把我從昏睡中拉出來。
走上電梯天橋,忽然看見很多長槍短炮。
"Photographing Competition?"
——我衝口而出問攞住單反嘅foreign ghost,
然後帶著微笑繼續回家。
從天橋上望落去,其實呢個城市亦都好靚。
煩囂中,比廣州多了一份閑情少了一份匆忙。

 

走在天橋上,我想起寧采臣
我卻想不起為甚麼會說起寧采臣,
只是記得當時是在做新聞的一個下午,
新聞部的辦公室還未搬。

 

每週都要經過的這個車站依然人來人往,
遊蕩在這裡的人都有與這個地方的故事,
然而未必等得到像天星皇后那樣的命運,
故事才會變成過去式的回憶。

 

其實我窺看了別人的網誌,
懼怕劇情相似,
更怕結局也相似。

 

感恩節過咗,
聖誕節嚟緊,
我等緊嘅反而係另一個陌生嘅西方節日。

 

白色和紅色,
哪一邊是回到過去,
哪一邊是通向未來?

 

最近在Repeat:
林宥嘉《心有林夕》

 

 

Advertisements

獨立

 

口講就話從初一開始讀寄宿學校,獨自在廣州打滾十年,不過講到「獨立」…………

病咗成個星期,呢個感冒都算奇怪,冇高燒,所以盒仔茶加焗棉被嘅方法行唔通。每日照常返工返學,當然繼續唔聽人勸,每日沖涼洗頭,廣東人點可以唔沖涼呢?!到我覺得連日低燒有啲得人驚嘅時候走去驗血,bak手指之後醫生話冇乜事,反而話我食得太多百服寧搞亂曬,相反開咗一毫子一盒嘅維C銀翹,比埋一蚊七嘅驗血費,下個星期早啲去抽血。直到今日頓悟,覺得係支探熱針有問題,買過另外一支情況有所改善,而原來嗰支就漏咗喺office,冇得對比。媽咪話,呢啲叫「午後潮熱」,要睇中醫。

亦都因為感冒未清,缺席Lala大小姐的「台慶月亮燈儀式」。大小姐巴閉啊,生日要好似台慶咁,進入射手座嗰日開始大搞,持續一個月,正日嗰晚要「萬千星輝」輪唔到我,可能仲有「09年節目巡禮」。其實呢個時候呢個心情,我應該要蒲下。我唔係怕爛醉,因為so far我都係千杯不醉。不過我還是好理性咁,身體緊要。

珠光寶氣(BiewMak同學戲稱「豬肝補氣」)教識我哋兩樣嘢,面對現實;嫁入豪門。不過面對現實又談何容易呢,一開波黎姿就係自己呃自己,以為有錢就可以從頭開始;到上兩個星期,邵美琪求神拜佛、蔡少芬借錢炒孖展都係想做啲形式嘢自己呃自己。王喜對蔡少芬講嘅一句話講得好啱:「你以為你仲有本事可以呃到自己,今晚好好咁瞓一覺咩」。

 

 

其實我想講,我一直都係認真嘅。雖然我知道sushi line呢個故事又或者sushi line呢個回轉,係唔現實,又或者我真係會「如果等到的只得幽怨也是我心愿」。我會記得教五比人埋伏、我會記得今年不再是黑色的六四、我會記得紅滿堂前的對話、同埋在佛山特別的禮物……我依然會期待復活節,或者有緣的話,無時差再見。

獨立,呢幾張相係上個星期《More!》參加華農走鬼創意市集影嘅。「眼睛不能沒眼淚,只因砂石要洗去」,嗯,我會更加獨立的。

只因砂石要洗去

大學畢業旅遊 · 海灘溫泉之旅

 

 

 

雖然仲有半年先畢業,不過我哋就提早咗搞我哋嘅畢業旅遊。近近哋平平哋,陽西沙扒灣海灘再加恩平溫泉樂園。11月,廣州一夜之間氣溫驟降到14度,不過呢幾日又逐漸回升,我可以繼9月之後,再次同陽光玩遊戲!

 

雖然都覺得唔出省,同埋就咁住一晚唔算去旅遊,去海灘同溫泉就當畢業旅遊有啲無奈。不過正如好多人都話,畢業旅遊重點係一班人一齊去癲下。本來差啲就miss咗呢個trip,但改期之後又ok了。不過,我依然會計劃我的旅遊,我想去Amoy, Chengtu, Chungking, Shanghai……儲錢儲吉士!

 

我玩UNO實在太盡,連贏好多,而且今次UNO仲創下新的歷史記錄:draw牌好似傳聖火咁傳到一round,盛惠18只,之後再次打破紀錄到24只;而最高紀錄就係打到1002,實屬厲害;我都俾人一鋪搞到107,失敗失敗。不過自己確實幾孱弱,唔知係諗太多諗到發燒定係之前已經有感冒,總之就翻到廣州之後就發燒。

 

仲有好多相未收到。不過唔想寫喇。

我係被shock到
我係眼紅
我係妒忌
我係唔順超
我係唔平衡
我係唔妥你
我係疑神疑鬼
我係天蠍座
我係想詛咒你
我就係唔大方
我係玩玩下UNO突然down曬
我係畢業旅遊之後就發燒
我係發燒之後就會發同一個噩夢
我係怕發噩夢而唔想瞓覺

咁點吖?!

11月16號,《More!》進駐華農走鬼創意市集

不要抱怨身處沙漠,只是你忽略了綠洲。

也許我們平時不易出現在你身邊,但是這個週日我們距離你很近!
More! Magazine 進駐華農走鬼創意市集,全體More!人出動迎接你的到來!
請記得我們——獨立雜誌《More!》

地點:華南農業大學三角市14號攤位(地鐵三號線五山站A出口,巴士華農大正門站:234, 78, 218, 20, 32, 197, 41短線)
時間:2008年11月16日 10am-5pm
人物:文藝的你、潮流的你、熱血的你,還有我們More!團
詳情請登陸 http://www.morethemagazine.com/

22歲·生日快樂

 

 
又到11月5號,22歲喇。最後一年可以標榜自己仲係「十八廿二」。韓先生問我生日感言,我話要「努力向上,珍惜家人和朋友,繼續憧憬遇到好人。」哈哈,好行嘅生日感言。畢業之際,收到offer最實際,哈哈。
 
又過咗一年,呢一年開始有自己搵錢,先知道搵錢艱難,粒粒皆辛苦。原來爹哋媽咪養大我,應該用咗唔只四百萬。22歲,生日繼續收利是,這是家人對我的祝福與期望。
 


(朦啲好,放工之後直接赴約,難免發膠支持不住)

 
22歲依然有好友陪伴。原來中森名菜的壽司蛋糕冇想像中咁吸引,只是啖啖飯加三文魚鋪喺面頭。多得Giby唔食任何生嘢,搞掂曬呢個wasabi送飯。
 
22歲,話題依然有愛,還有性,還有搵工、社保、做gym、減肥、裁員、金融海嘯、奧巴馬當選、辦公室政治,真係老咗。當然,心態依然要保持年輕,體態也不能輸蝕。我還要追夢。22歲的祝福,橫跨全球時區。悉尼時間太過夢幻卻又相當期待;香港時間最為實際;倫敦時間未夠鐘就facebook留言讓我受寵若驚……明年的生日,告別「十八廿二」,我又會喺邊度呢?
 
 
 
 
 
 
 
 
%d bloggers like this: