「新聞報道完,再會」——我在Golf Channel的日子

 

2008年8月29日,這是我在Golf Channel的last day,亦即係咁就結束咗從5月8號開始,每個星期翻三至五日班的「記者生涯」。不過我每日嘅正職主要係「珠江護法」。皆因我住處偏僻,公司又比較隔涉,每日巴士地鐵再巴士的話會入不敷出,最後都係從海珠廣場地鐵站行過去,從海珠橋行過去江灣橋。真是一個可憐的窮書生。

 

 

 


(Willy扮主播)

 

回歸正題,我每日嘅工作就係Golf Channel新聞中心負責嘅新聞節目《高爾夫報道》。除咗上鏡、配音之外,每日做嘅嘢就係同伍晃榮差唔多,就係聽譯外電,翻成中文,寫好稿,做好字幕,pack好佢咁就等節目合成,夜晚八點出街。間唔中仲有廣告雜誌式新聞介紹下邊個球會做咩function,同埋一啲一刀都唔剪唔加過場唔加評論嘅所謂獨家訪問,有好幾次我就係咁睇到瞓著。每次寫新聞,我都好似伍晃榮上身咁,模仿佢風趣幽默嘅用詞,幻想下佢以前播新聞嘅語氣,再幻想自己好似伍家謙咁有型坐上主播台(冇錯,係伍家謙!)。可惜,配音、出鏡未輪到我。 (算啦,我母語係粵語,國語我冇興趣,哼!)

 


(配音剪片室,新聞中心專用)

 

呢四個月一嚟,我由啱啱加入嘅時候只知道邊個係老虎活士(Tiger Woods, 無奈我哋channel係國語台,即係話,我連佢國語譯名都唔識),從一個聽譯一段一分鐘嘅外電都聽到暈嘅新仔,到宜家,起碼高爾夫規則、主要賽事、主要球手我都可以解釋比你知。我都叫做做過四大滿貫嘅其中三場賽事嘅翻譯,球手專訪冇難度,仲被同事尊稱我做「字幕小王子」添。冇辦法啦,鬼叫我字幕真係做得靚過人咩。呵呵呵。線性剪輯(用磁帶、對編機)同埋非線性剪輯(用電腦剪輯)都唔難,可能以前喺ES嘅時候已經熟悉咗,雖然EDIUS軟件以前未用過,不過憑著我用premiere嘅經驗,基本上我第一日就已經熟手。

 

資深體育記者伍晃榮曾經話過,唔好睇小佢喺《六點半新聞》嗰三分鐘。宜家,我真係唔敢睇小嗰三分鐘嘅體育新聞喇,唔好以為前面時政新聞沖鋒陷陣辛苦,後面嗰幾分鐘都唔簡單。不過Golf Channel確實比較流,同無綫比真係差好遠。人哋幾百人一個新聞部做一個23分30秒嘅《六點半新聞報道》,而我哋,每日3、4個人做一個15分鐘新聞,其中仲包括intern,即係我,你話流唔流。

 


(左上:簡陋到連提字器都冇,連ES都不如)
(右上:總控室。)
(左下:非線性編輯機,Edius快捷鍵鍵盤)
(右下:公司製作區域的走道)

 

呢四個月印象最深就係大滿貫賽美國公開賽決賽輪當日,由於收錄有問題,四點幾先收到美國嗰邊嘅訊號,之前可以prepare嘅當然已經做曬,等到嗰陣,唯有一路收一路聽一路翻譯,最後都順利喺7點前搞掂個新聞送去廣東台。而關於台灣選手嘅問題,因為高爾夫唔係奧運項目,所以台灣地區嘅球手係用ROC(Republic of China,中華民國)同埋青天白日滿地紅旗嚟參賽。所以任何見到青天白日滿地紅旗嘅畫面都會比我哋刪除。至于稱呼,我堅持講「中華台北」竟然被人話我唔愛國。之後我經手嘅新聞如果遇到有台灣球員,我就一律唔出講國籍,費事過唔到自己嗰關。最後話我唔愛國嗰位同事,米一樣屈服咯。連官方新華社都要講翻啱啊!

 

最遺憾嘅就係奧運期間,國內高爾夫賽事暫停(高爾夫不是奧運項目),所以未有機會出差採訪,就好似一個未開過槍嘅警察咁,就咁就退休了。 而可惜嘅就係我搵到一個我中意嘅高爾夫球手Adam Scott,來自澳洲的大帥哥,但係佢喺呢幾個月都冇乜表現,世界排名由第3跌出前五,冇機會做到佢嘅新聞同精選。

 

喺Golf Channel由一班好好玩嘅好同事,同佢哋日日喺office度癲啦,奧運期間仲爭電視睇(大致分兩派,CCTV v.s. 廣東體育),唱K嘅時候因為我唱得好聽咗小小就落得一個「咪霸」嘅稱號。仲有benefit就係可以免費去打golf,米以為fing下碌棍好輕松,原來係超級攰,做有錢人都唔容易。公司製作區裝修到好似練習球道咁,平時啲同事手頭上得閑嘅話,都會喺度練下推桿同埋揮桿。

 

至于我點解做得好哋哋唔繼續做落去呢?原因有好幾個,唔想詳細敘述。不過最主要原因係華農屎忽痕,為咗應付英語專業評估,大四上學期安排每個星期27個課時嘅課程,大學四年最多課嘅一個學期竟然喺大四。算啦,實習之嘛,工之嘛,哼!

 

其實做記者真係唔簡單,一個區區高爾夫體育的編輯已經很煩,想想休息放假,最後想到的是做新聞冇分星期六日,大年初一都一樣有節目出街一樣要做。原來啲記者回憶錄講得冇錯,林建誠柳俊江講得冇錯、Tomas講得冇錯,做記者唔好諗住有得休息。比起在前線沖鋒陷陣,呢個小小實習編輯真係算好輕松。不過我呢個最後一個暑假,就係咁冇咗喇,完全係未放過假。算啦,9月1號開始當放大假,一年大假,向著目標進發!

 

好啦,講住咁多先啦。想收看Golf Channel,盛惠每月人民幣100元整。廣東有線數字電視91頻道、佛山有線數字電視88頻道。

 

     http://video.google.com/googleplayer.swf?docid=6972034472284222929&hl=en&fs=true

送上7月18日(特登精選7點半廣東衛視新聞靚仔主播播新聞嗰日)同埋8月29日嘅新聞(暫時上載緊去youtube,稍候更新)
http://video.google.com/videoplay?docid=6972034472284222929
最後學下無綫,講翻句「新聞報道完,再會」
後會有期。

 

 

 

Advertisements

About William Lo
http://willylo-cu09.spaces.live.com/

6 Responses to 「新聞報道完,再會」——我在Golf Channel的日子

  1. Andre says:

    下次做个广州的旅游特辑。

    Like

  2. kovu says:

    我不爱看电视,但我爱看电视画面以外和摄像机背后的东西:)
    看电影的时候也会走神去想,它在技术上怎样达到…
     
    据说这样人活着很累,呵呵。

    Like

  3. Nick says:

    好好玩丫~ 你嘅intern~

    Like

  4. says:

    呵呵 你的实习实在太令人羡慕拉
    中意电视 不过自己唔太熟悉 有无到北京采访奥运

    Like

  5. Nana says:

    小朋友好掂喔…有潜质阿哈哈…

    Like

  6. Yue. Christie says:

    YO!Go Willy!!!!!!!!lol

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: