chaos

 
 
Like in chaos, my life is full of unknowns and uncertains these days.
To clear up one of my confusions, I spent one hour in the subway from Tianhe to the "desert island" with my inpulsion and courage.
However, after my first time of taking the "flying motorcycle", having dinner in Uni-Mall of Higher Education Mega Center, having a long walk to the MTR station, taking the late train, and using the immersion heater, the answer is still unknown.
Is it too fast? too serious too soon?
 
Another trifle that annoying me is the exam which is really a hard task for me, like the mission impossible, forcing me with great pressure.
Maybe the people who take the exam would become mad and lost.
Thank you for my frds keeping on encouraging me and telling me "Willy for sure".
Moreover, I would distinguish my direction.
 
 
The confusions is still there, but my gloomy feeling has been swept over.
 
 
Willy is still on his way.
and he won’t walk away.
 
 
Advertisements

99-5 聚會+回ES

積累咗好多日嘅日誌未寫,宜家總結翻呢個聚會。

99-5真係好耐冇聚過喇,Joseph都話,我哋讀咗大學之後就冇見過我。仲有,呢半年至一年,我又點解消失咗咁嘅?!除咗搵Sky食咗次飯爆大鑊之外,我又好少主動咁搵秘書、雪、Mike佢哋。面對呢班好好嘅朋友,總覺得我唔夠主動,以前講好話讀大學之後至少要一個月食一次飯嘅話都變成空話。sorry ar, everybody.

首先用流水帳記錄一下呢兩日(2月15、16號)先。首先15號,即係情人節剛剛過去,我哋就開始大聚會喇。Jackie從UK翻嚟過年,所以我哋兩個一齊從佛山去廣州錢櫃唱K。無奈地,佢又喺KFC苦等我20分鐘。壞習慣,改唔到嘎喇。

錢櫃,14人很久不見,我的電話慘遭Sky搶去,繼而我的自拍照被嘲笑一番。搶佢手機嘅時候,佢故作我搏佢懵嘅驚恐。頂!使唔使~~大家也沒怎麼變,Mike當然繼續係大佬;Joseph仲係好吹得;TM好似又高咗,wow,190係佢(冇人知我講乜);Snow繼續狂影相;Lulu都算比較常見;Jackie繼續大嘴巴,專門把大家都不記得的醜事拿出來說一番;Sunnie髮型變咗好多;韓子電髮長靴,厲害吧,并繼續同Amanda、Jackie三人組高談漫畫;ballball仲要趕兩場k……之後去越茗苑晚飯。Jackie繼續每去一個地方匯報一次行蹤,一個女喺英國獨立生活咗咁耐都冇問題,翻到廣州就好似驚上報紙頭條,甚麼「一女大學生在穗被誘姦」等新聞主角。行喺街度,繼續扮秘書個Boss,[kiu3]下手……

食完飯,講起劉軍勛身體唔係幾好,於是摘日不如撞日,第二日翻ES探老師!!!

第二朝,依然遲到。長途跋涉去到三元里,仲要轉的士。老竇仲反問我,點解唔開車去?!唉……

翻到ES,見到啲老師真係好親切。劉軍勛話佢要染黑啲頭髮,老師,保重身體啊。謝仁發一見到我就問我「在電台怎麼樣」,嗰一下,突然很感動。盧霞同聶德森兩公婆請我哋去飯堂食飯,久違了外校的飯堂了,每個離開外校的ESer都會掛住呢啲飯餸。途中還撞見春哥,以往回去都會ignore我的春哥。anyway啦,暫時做唔到你嘅得意門生,以後風光(幻想ing)嘅時候你就唔會ignore我嘎喇,高中三年的感情,其實好深厚的。飯後,聶主任還開了黃花樓禮堂讓我們進去參觀。從側門出來一見到裝修後的游泳館和風雨球場,大家都「嘩……」。

唔知點解,讀咗大學咁耐,依然很留戀廣外外校的感覺。嗰種感覺,好奇妙,好怪,以後都唔會有。我到現在還記得高三吳玉愛拖堂後,在課室門外等我去游水的好友的眼神;假扮情侶走在情侶大道上的情景;深夜到操場跑步的瘋狂;元旦晚會前在課室準備的忙碌;考試後在走廊的哭訴;夜晚在宿舍短訊、聽歌、然後暢談到夜深;到還是廢墟的黃華樓探險;中秋在大學籃球場圍在蠟燭旁的truth or dare;在課室看電視的起勁,還有老師來到前5秒內回復平靜的滑稽…………甚至,只是在課室晚自習時,獨自對著一堆作業的狀態,現在真的很想找回,不過再也不再。

ES真係靚咗好多,當年爛尾的黃花樓已經搖身一變變成今日勁豪華嘅圖書館同埋禮堂。游泳館同風雨球場都裝修過,一見到,大家都在驚嘆,李嵐清(前副總理)的題字變成了金色。天鵝湖旁的飯堂和小賣部,即係賀永忠口中的「天鵝湖平沙國際大酒店」已經拆除,未來將會有一個休閑亭,也就是新的拍拖勝地,看來又會有很多攝像頭在那裡。還有大家在細數天鵝湖中的寶藏,當年多少個在鬧脾氣的外校人,把「早戀」時的定情信物扔下天鵝湖,手鏈、項鏈、手錶、戒指,或許還有手機。

都係去相:

 

 

圖片點擊放大 more pics: http://picasaweb.google.co.uk/lohinleung/2008021516995ES 

 

寫在最後。為何突然如此感性,一來覺得這份友情很可貴。二來,最近發生的大事,肥姐走了、雪災等,都覺得要珍惜眼前人。還有就是最近的生活比較混亂,感情事,還有更多的是學習的壓力。真的很大壓力。

見證我成長的ES,有空再回去探你吧。

 

 

 

零捌鼠年

年初二·三·四
 
呢幾日,都係瞓同埋拜年。已經基本完成咗拜年嘅任務。
 
今年拜年有啲特別,就係一啲一年先見一兩次嘅表哥、表弟、表妹已經讀曬大學,大家多咗一個topic就係討論大學生活同埋工作。無奈地,婆婆太八,總是攞個孫(即係我)嚟曬命,中學嘅時候就話「我個孫喺廣州讀書啊,讀廣外啊,考到一中都唔去讀」 ,還要裝出一副唔中意我去咁遠讀書個樣;高考落榜,好似搞到佢哋冇得曬命咁,講嘢都冇咁串;今年出咗本《More!》同埋參加電台培訓實習,無啦啦一堆三姑六婆姨媽姑姐都知道曬,一定又係有人攞我嚟曬。
 
其實我真係冇咁好,畀屋企人攞嚟曬,好大壓力。我知道自己并非他們口中那樣出色與能干。一啲未sure嘅嘢傳多幾次就變質,到時結果唔係咁,米盞自己失望。所以,那些所謂大人們,曬命曬自己就好,唔好攞仔女嚟曬。從新認識到呢班老表都唔錯,交換埋手機、QQ之後可以多聯絡。其中一個表哥,都出咗嚟做嘢咁多年,點解講嘢仲好似涉世未深未經大腦咁,好聽就叫為人老實,難聽啲就係憨居、唔識處事。當然,我冇資格講人,與人相處呢門學問,有排學,i still have a long long way to go…
 
 
 
 
大年初一
 
今年年初一冇乜特別,依然12點先出門,例牌畀人鬧。lunch之後去咗東方廣場睇舅公嘅新屋,然後去埋奧林匹克睇舅父嘅新屋。不過都係啱啱收樓,有排先入夥。
 
Dinner去高明食黑鵝、水庫魚、山豬(mountain pig),之後重頭戲係喺高明燒煙花!其實燒煙花真係好似燒錢咁,bing bang一聲就冇咗件衫,bang多聲又可以冇咗對鞋。另外,燒煙花切記,請勿穿著羽絨衫,以防火舌整穿件衫。所以大家見到啲相,我貌似好裝咁得件單衣,就係因為我唔想我件羽絨好似我阿姨嗰件咁畀滴落嚟嘅火laat親。

 
翻到市區後去咗mini唱k。原來佛山嘅mini都係二樓bar三樓k。啊啊啊啊啊,超想蒲啊!!!當然,一家大細有老有嫩,冇得我蒲啦,唯有繼續做咪霸,仲唱咗首比較尷尬嘅歌,應該係MV尷尬啲。
 
睇住啲煙花,諗起一個frd很久以前的msn簽名,「愛情,如煙花般璀璨,但愿不如煙花般轉瞬即逝」。講完。

updated at 2:50am, Feb 8 2008 
 

 
 
恭喜發財,新的一年,威利祝大家
身體健康·學業進步·家庭幸福
一鼠萬利·夢鼠事成·日日桃花
 
 
 
今年南方有雪災,廣州天氣亦少有地寒冷,所以桃花未到燦爛時。遲啲等到桃花燦爛,我再發我棵靚桃花嘅相上嚟啦。
 
on Willy: CHOCOOLATE / izzue / 5cm / th:+ / Levi’s / Jack Purcell
 
 
 

兩日·四城

 

一年兩度,又敗家了。出行方式與以往沒甚麼不同,不過卻感受到今年異常緊張的春運氣氛。

世界的焦點都放在廣州,央視、廣東台、廣州台、無綫、亞視、有線,甚至連CNN也在廣州火車站直播滯留的100萬民工。廣州東站的人也不少,不過幸好和諧號不受影響,還是順利地登上往深圳的廣深快車,只是路上、地鐵上的人多了很多。

敗家的方式也沒甚麼特別,只是在香港找不到廣州有的款式,有點失望。最後還是買了銀色,有夠浮夸的。

在香港的爆點可以說是沒有,只是在金鐘轉線時遇見Sky,有點突然與興奮。一個人從港島綫走到荃灣綫,拿著一袋二袋的戰果,標準的「自由神」模樣,然後對住地鐵的幕門發獃。從鏡面中見到一個熟悉的面孔,然後轉身嚇他一跳,「喂,乜咁啱啊?!」。還有就是在東鐵綫回程時與Hanzen大談公事之際,抱怨一番。

第一次即日來回,卻沒有回廣州,而是回深圳,謝謝朋友的款待。原來深圳的錢櫃自助餐拿食物要用「籌碼」,「籌碼」用完了就要1塊錢換5個,不過我覺得這個價錢也很賺。略過5000字。

最近的熱門話題,除了暴風雪之外,還有陳冠「嘟」的裸照風波。香港法例規定,藏有這些裸照就違反《淫褻及不雅物品管制條例》,所以在香港街頭聽到別人談論這事,都說「我把link發給你」,而不是「我把照片發給你」,大家都很小心。警方已經拘捕了一個疑犯,但相信這個無業的29歲中國籍男子不是源頭。而我唯一期待的,不是把他定罪,而是有更多陳先生的照片流傳,最好就是與Bobo那張的video版本,小陳生清晰可見噢。典型的市井小市民。

最後點題一個字「亂」。是我的房間亂呢,還是我的生活開始亂呢???

%d bloggers like this: