音樂飛馳中 十年一瞬間 《07年度叱咤樂壇流行榜頒獎典禮》觀後感

 

 
好喇,又到今年的叱咤感言。原來大家都係愛叱咤之人,呵呵。1月1號,從下晝開始已經喺網上聽叱咤903,從《叱咤十年音樂會》到《07年度叱咤樂壇流行榜頒獎典禮前奏》。一邊睇叱咤,一邊傾msn傾短訊傾電話嘅感覺真好。8:30頒獎禮開始,為保持神秘感,聽咗opening同埋一兩個獎之後就關咗收音機,等十點半,翡翠台轉播。可惜可惜,無綫今年比舊年更加令我失望,比舊年cut得仲多。
 
講翻今年,係叱咤頒獎禮二十週年紀念,口號係「音樂飛馳中,十年一瞬間」,仲特設「叱咤樂壇我最最最最最最最最最最喜愛的歌曲大獎」。我睇叱咤有冇十年呢?我諗應該有,不過就冇最近五年咁大力關注。我記得叱咤未搬到1月1號之前,試過喺大球場下午日光日白搞嘅,當時TVB仲有直播添。今年叱咤冇前兩年睇得咁激動,不過比較緊張幾個大獎,就係張敬軒究竟攞唔攞到「叱咤樂壇男歌手」獎項,洪卓立攞唔攞到「新力軍金獎」,謝安琪今年又可以去到邊?
 
張敬軒勇奪三個大獎——「叱咤樂壇至尊歌曲」、「叱咤樂壇男歌手銅獎」、「叱咤樂壇我最喜愛的歌曲大獎」,勁啊!廣州人的驕傲!楊千嬅繼續凜莊「我最愛」,好似當年Sammi咁,坐成晚等呢個大獎。Twins,舊年攞金獎底氣不足之後,今年繼而爆冷輸畀農夫屈居「組合銀獎」,連「我最愛」都輸埋。《K歌之王》攞又一個十年嘅特設大獎「叱咤樂壇我最最最最最最最最最最喜愛的歌曲大獎」,確實係實至名歸嘅。
 
其實今年,我都幾留意台下冇獎攞但係又有出席嘅歌手。唔知大家有冇留意到盧巧音呢?仲記唔記得佢嘅《好心分手》攞過「我最喜愛」呢?今年佢有嚟啊!我都好期待等佢出翻嚟啊(咁佢呢幾年去咗邊,我就真係唔知)。仲有Edison,做農夫嘅老闆,新聞報道佢「低調進場」,不過佢啲笑容真係睇到人暈曬浪。Stephy首《電燈膽》大熱倒灶入唔到十大,阿Jan talk show又玩佢話佢演唱會走音畀人批評,不過阿Jan最後都叫全場畀掌聲鼓勵佢。陳柏宇我覺得係今年新人之中唔錯嘎,(新城頒獎禮仲同洪卓立一齊拖住手攞新人王,)可惜叱咤真係咁難上。
 
今年歌手感言依然有金句。林夕攞「叱咤樂壇填詞人大獎」嘅時候,繼續發表一啲感人肺腑嘅說話。「每一日都要好努力,……從來都冇後悔過所付出嘅代價。……先無負於呢個時代,同埋冇辜負香港嘅文化,因為我真係太愛『廣東流行曲』呢幾個字。」千嬅就話,「要學識頑強投入,呢個先係對演出工作嘅態度。最大嘅滿足感除咗自己攞獎之餘,仲有係識得去成就別人的快樂。」
 
「成就別人的快樂」,最近去咗兩個校園DV劇嘅試映and首映禮,加埋噚晚喺More!群狂發舊相嘅時候,搵翻好多舊相,真係好能體會到「成就別人的快樂的滿足感」。
 
無綫真係cut咗好多,大家快啲download「叱咤足本視頻」。另外無綫嘅主持Syrus周子駒,成日搶曬另一位主持姜文杰啲對白,感覺有啲怪怪哋。
 
過咗好多日先寫呢篇網誌,當時睇頒獎禮嘅熱情都消退咗,所以寫咗篇流水帳。
 
好啦,愛叱咤之人,出年見。
 
Links:
 

06年叱咤觀後感(口號,ABCD一點即光,樂壇亮燈由你主持)

 
 
 
 
 
Advertisements

About William Lo
http://willylo-cu09.spaces.live.com/

7 Responses to 音樂飛馳中 十年一瞬間 《07年度叱咤樂壇流行榜頒獎典禮》觀後感

  1. Terry says:

    大部分賽果我都滿意~~~~
    不過真係超想《電燈膽》有十大~~~
    Hins~~廣州人既驕傲~!
    農夫~~~有D意外~~~

    Like

  2. Kaykay ♡...Qiqi says:

    強烈抗議無綫cut左好多,cut歌就算啦,仲要cut人地d對白同得獎感言。要快d睇翻full version先得~!
    軒仔好嘢~~~簡直係廣州人既驕傲~~實至名歸啦~
    覺得叱吒一向鍾意新鮮感,twins係歌曲上已經無咩新鮮俾到大家。
    盧巧音聼講近兩年去左蜜運同享受生活。Edison的確好charming,呵呵~。Stephy……我覺得《電燈膽》無入十大係903一個好明智的決定,距提醒唱片公司同埋音樂的製作人,一首好歌係要有出色的演繹才能被認同。
    希望明年有更多打動我們的好歌。
     

    Like

  3. Edwin says:

    但有耳非文入10大都唔見得明智。
    一開口就話:我反對人地話香港人唔識音樂。
    全場冷曬。
     
    sammi2000果年坐成晚攞個最喜愛,然後個感受就係“條紅地毯太長,而且頗難行”。
    叱咤條紅地毯的確又幾難行嘅。
     
    你承認自己成就人地快樂係啱嘅。
    你個樣咁喜劇。邪花!
     

    Like

  4. A says:

    我依然爱千嬅………..

    Like

  5. Unknown says:

    不知道是我人大左还是确实如此,叱咤现在d主持讲野无以前甘有味道,有时颇冷。

    Like

  6. William says:

    to Edwin:有耳非文嗰句「我以為我死咗先會有人聽我嘅歌」,真係好冷。新年留留,講啲咁唔老嚟嘅嘢。to Hanzen:我都覺。阿Jan個talk show有啲悶。可能係因為最近我哋宿舍有人狂煲佢嘅talk show,搞到我聽佢把聲聽到煩。

    Like

  7. Unknown says:

    再另外,古巨基的爱回家呢首歌真系毫无水准可言,又闷又无咩特别,根本就不值得拿奖甚至是挪到千几票的支持。

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: