久違了我的歌聲?

 
久違了我的歌聲?
威利又唱《高妹》了
仲有加多個「hurt so bad」咪霸(負責揸相機)
勁爆合唱《滾》
 
photo by Hanzen Queen
 
 
 

錯愛

 

 
終於,放假了。
還是,遲到了。
我真係唔識點菜
下次你點
 
與「李安納度·迪卡比奧」看《錯愛》
處處注意身高避免撞頭
仲將驚嚇片當成喜劇睇

不過仲係有啲驚嚇位
讓我大叫
 
有冇嚇親你呢
 
 
 
 

Cousin’s Wedding

it is true that my cousin’s wedding tonight was sooooooooooo sweet
according to the Chinese traditions, they held a dinner party tonight
however, they chose the half-western style to have a buffet dinner instead of the unnecessary and overelaborate formalities
good!
 

 
everyone seemed to enjoy themselves
but the bad news is that my cousins are coming to the wedding period
that is to say that the family members in my generation are going to be urged to get married
 
how to handle???!
 
 
 

新屋狂想曲

 
– 我要間房大啲
– 我要有衣帽間 四周圍都係鏡
– 唔使要床 床墊放地下
– 要鋪木地板
– 可以喺瞓窗台 一邊飲嘢一邊睇書一邊聽歌
– 我要開放式廚房
– 整大啲個飯廳 先擺得落大桃花 我要桃花運啊
– 開多個門去沖涼房 變套房
– 不如書房用玻璃間
– 整大啲個仔間房啦
– 個門口改過嚟呢邊好
– 麻雀房啊要
– 我要高清plasma大電視
– 我間房見到個湖喎
– 入戶花園唔使咁大喇
– 超,第日我買珠江新城!
– !#%¥@#%¥U^&*#@$&%^*
– ………………
米發夢喇
儲錢啦
 
 
 

CATS

 
噚晚(Jan.07.2008)去睇咗百老匯音樂劇《Cats》
廣州天河體育中心體育館
 
啲舞好正
 
仲有
遇見眼闊肚窄女魔頭
喺魚香米坊食宵夜食到超飽
 
 

音樂飛馳中 十年一瞬間 《07年度叱咤樂壇流行榜頒獎典禮》觀後感

 

 
好喇,又到今年的叱咤感言。原來大家都係愛叱咤之人,呵呵。1月1號,從下晝開始已經喺網上聽叱咤903,從《叱咤十年音樂會》到《07年度叱咤樂壇流行榜頒獎典禮前奏》。一邊睇叱咤,一邊傾msn傾短訊傾電話嘅感覺真好。8:30頒獎禮開始,為保持神秘感,聽咗opening同埋一兩個獎之後就關咗收音機,等十點半,翡翠台轉播。可惜可惜,無綫今年比舊年更加令我失望,比舊年cut得仲多。
 
講翻今年,係叱咤頒獎禮二十週年紀念,口號係「音樂飛馳中,十年一瞬間」,仲特設「叱咤樂壇我最最最最最最最最最最喜愛的歌曲大獎」。我睇叱咤有冇十年呢?我諗應該有,不過就冇最近五年咁大力關注。我記得叱咤未搬到1月1號之前,試過喺大球場下午日光日白搞嘅,當時TVB仲有直播添。今年叱咤冇前兩年睇得咁激動,不過比較緊張幾個大獎,就係張敬軒究竟攞唔攞到「叱咤樂壇男歌手」獎項,洪卓立攞唔攞到「新力軍金獎」,謝安琪今年又可以去到邊?
 
張敬軒勇奪三個大獎——「叱咤樂壇至尊歌曲」、「叱咤樂壇男歌手銅獎」、「叱咤樂壇我最喜愛的歌曲大獎」,勁啊!廣州人的驕傲!楊千嬅繼續凜莊「我最愛」,好似當年Sammi咁,坐成晚等呢個大獎。Twins,舊年攞金獎底氣不足之後,今年繼而爆冷輸畀農夫屈居「組合銀獎」,連「我最愛」都輸埋。《K歌之王》攞又一個十年嘅特設大獎「叱咤樂壇我最最最最最最最最最最喜愛的歌曲大獎」,確實係實至名歸嘅。
 
其實今年,我都幾留意台下冇獎攞但係又有出席嘅歌手。唔知大家有冇留意到盧巧音呢?仲記唔記得佢嘅《好心分手》攞過「我最喜愛」呢?今年佢有嚟啊!我都好期待等佢出翻嚟啊(咁佢呢幾年去咗邊,我就真係唔知)。仲有Edison,做農夫嘅老闆,新聞報道佢「低調進場」,不過佢啲笑容真係睇到人暈曬浪。Stephy首《電燈膽》大熱倒灶入唔到十大,阿Jan talk show又玩佢話佢演唱會走音畀人批評,不過阿Jan最後都叫全場畀掌聲鼓勵佢。陳柏宇我覺得係今年新人之中唔錯嘎,(新城頒獎禮仲同洪卓立一齊拖住手攞新人王,)可惜叱咤真係咁難上。
 
今年歌手感言依然有金句。林夕攞「叱咤樂壇填詞人大獎」嘅時候,繼續發表一啲感人肺腑嘅說話。「每一日都要好努力,……從來都冇後悔過所付出嘅代價。……先無負於呢個時代,同埋冇辜負香港嘅文化,因為我真係太愛『廣東流行曲』呢幾個字。」千嬅就話,「要學識頑強投入,呢個先係對演出工作嘅態度。最大嘅滿足感除咗自己攞獎之餘,仲有係識得去成就別人的快樂。」
 
「成就別人的快樂」,最近去咗兩個校園DV劇嘅試映and首映禮,加埋噚晚喺More!群狂發舊相嘅時候,搵翻好多舊相,真係好能體會到「成就別人的快樂的滿足感」。
 
無綫真係cut咗好多,大家快啲download「叱咤足本視頻」。另外無綫嘅主持Syrus周子駒,成日搶曬另一位主持姜文杰啲對白,感覺有啲怪怪哋。
 
過咗好多日先寫呢篇網誌,當時睇頒獎禮嘅熱情都消退咗,所以寫咗篇流水帳。
 
好啦,愛叱咤之人,出年見。
 
Links:
 

06年叱咤觀後感(口號,ABCD一點即光,樂壇亮燈由你主持)

 
 
 
 
 

大學生 係真係咁差 定係媒體針對呢?

 

 
 
好耐都冇就一啲新聞事件寫blog喇。今日睇咗《羊城晚報》嘅一篇報道——「曠課退學跳樓,網遊之禍驚心,急盼醫治良方——驚心!網遊玩垮幾多學子」①。冇錯,華農又見報喇。看完之後,我有有一絲氣憤,有一絲不甘,有一絲無奈。大學生真係去到一個咁差嘅狀況咩?華農嘅學生又真係咁慘,次次都係報道華農啲衰嘢咩?
 
其實我想講下我總結咗嘅幾個point,希望大家畀啲意見:
 
首先,該文章指出,大學生的網遊之禍確實存在。確實,呢一代,喺高等教育貶值、人才泛濫、資訊爆炸等背景下,的大學生,日日掛住打機、逃課、重修嘅例子并不少見。但係,我個人覺得,《羊城晚報》該篇報道有點「把典型當作普遍」的味道。另外,報道有冇講下解決方案呢?又或者成件事嘅成因呢?會唔會報道并非事實的全部呢?
 
第二,點解要係華農?好似每次見報嘅衰嘢都係華農。我覺得有以下幾個原因:
1. 華農學生樂於報料,樂於介紹採訪。華農學生經常借助媒體嘅力量嚟維護我哋自己嘅權益。例如此前「校方禁止學生使用ADSL」、「軍車在華農校內撞死學生」、「華農又有車禍」等事件,學生都第一時間報料畀報社,并且通過媒體嘅力量嚟迫使校方在某些事情上妥協,例如學校當局最終畀學生自由選擇網絡。
2. 學校沒有言論限制。據本人了解,華工等學校對學生有言論限制的,例如會在網上即時刪除對學校負面消息的討論,以及通過ip地址監控找出該名學生,輔導員馬上約談等等。
3. 以上這些理由,都不應該是媒體針對的原因。
 
第三,使用「廣州天河五山某高校農林專業學生」、「五山岳州路某大學正門外的一間網吧」等帶有映射成分的字眼,點解唔直接用「華南農業大學」呢?「軍車撞死學生事件」,《南方都市報》用「軍綠色面包車」的字眼,可見記者的功力。但是今次呢篇報道嘅terms,就有啲問題。仲有,就係華農先有咁嘅問題嗎?點解唔走訪埋廣州各個唔同level、規模的高校呢?我都想知道,係唔係凈係華農係咁呢?咁中大、華工、廣外、暨大等大學呢?
 
第四,亦都係重點,就係我覺得成篇報道,有失平衡。每宗新聞播出都應該採取平衡手法,要有正反雙方意見②。例如,有冇打機好叻但係成績又好好嘅高材生嘅觀點?有冇從來唔打機嘅學生嘅意見呢?
 
第五,點解報道華農多數都係負面新聞,點解唔報道華農學生嘅優勢,或者學術上的成就(雖然我都覺得冇乜,特別我呢個專業)。咁樣容易造成一個華農學校以及華農學生的負面形象。
 
 
帶著以上疑問,本人致電《羊城晚報》爆料電話020-87776887,一名中年男子(聽把聲應該係中年)接電話。我講咗我以上幾個疑問同埋我對佢哋報道嘅睇法。該名值班編輯(or 記者 or 接線生,whatever)就話,你話要報道優點,咁你可唔可以舉例吖,點解你哋唔報料呢?跟住我就話,呢啲應該係記者嘅責任,係媒體嘅責任。佢就話我即係拋個波畀佢,我哋唔報料,佢哋點知我哋所謂嘅優點呢?
 
厄,話不投機,4分幾鐘嘅通話結束。難道媒體的新聞來源就是等學生等市民去報料嗎?難道媒體就不在報道出街之前考慮下,自己嘅故仔係唔係已經做到balance咗各方面嘅觀點呢?難道媒體就不用考慮報道出街之後嘅影響力與後果嗎?難道,本地民生新聞已經蘋果化③?
 
以上言論,代表本人以及本blog觀點,歡迎討論。(本文使用粵語書寫。)
 
 

② 伍晃榮《波係圓嘅》,76頁。ISBN 962-678-297-8
③《蘋果日報》的作風,是砸下大錢,全然走市場導向新聞學路線:在薪酬上,推出史無前例的大手筆,以招聘新人和挖角;將第一版港聞形塑為可以繪聲繪影的索引版(Index Page),放棄傳統標題形式(唯散文句是尚),用大大的「字霸」和「圖霸」(照片是《蘋果》的版面靈魂);版版頭題,都是聳動的通欄大標題(Banner);內文則以類標題或索引式寫作為取向(而且在很大程度上,標題、導言和內文已混合成三位一體);以編畫刊(Illustrated)的手法處理版面,美編是版面的接生婆;而「新新新聞」(New-news),也就是「資訊娛樂化」(Infotainment),則是一切新聞的切入角度。http://www.rthk.org.hk/mediadigest/20021015_76_46523.html
 
 
由於最近忙於復習考試,今年「叱咤觀後感」稍後出街,敬請原諒。
 
 
 
 
%d bloggers like this: