嚟M

嚟M,即係姨媽到,對於男仔嚟講,可以叫做姨丈到。姨媽同姨丈嘅分別,就係見紅同唔見紅嘅分別喇。

話說最近我好煩,呢啲咁嘅間歇性感性、間歇性心情低潮期,我知道唔會持續太耐,亦知道唔會有咩大礙。總之就係想搵個途徑發泄下。很想找個機會,大哭一場。

上咗兩個星期新東方,上到我好鬱悶。冇曬自信(未有「曬」咁嚴重嘅,不過就都幾冇咁咯)。忽然諗起,某一次某人同我喺msn度好鬱悶,send首《一步一生》搞到我都鬱悶埋嘅鬱悶情景。「曾期望著我,前程和戀愛,甚麼都擁有。」宜家嗰位send呢首歌畀我嘅朋友,應該兩樣都擁有喇吧。睇翻當時嘅網誌,原來已經一年幾喇。我呢一刻,好似就理解到呢種心情喇。總會覺得自己就係咁嘎喇,讀書唔認真就真係唔認真,點都靜唔到落嚟,跟住兩耳不聞窗外事咁,專心prepare一個考試。三歲定八十啊,我就係咁嘎喇,冇得救嘎喇,係命嚟嘅。「五年前嘅努力,就決定住五年後嘅位置」,的確如此。

嚟緊會好忙,忙學習吧。否則,GPA會繼續低落去,而我啲GPA已經唔可以見人。不過,

我冇信心啊!

呢個時候,我喺屋企,因為今日下午要翻嚟去佛山電台考試。事緣就係我暑假參加咗佛山電台嘅DJ比賽,跟住就冇入到final啦,不過就繼續有機會咁(全世界都有)參加面試、筆試、面試。今日表現得唔多好,畀人問英文嗰段更加唔知道自己講咗啲咩,「M」掛。都算係咁耐以嚟,第一次見工,我諗慢慢就會慣嘎喇。翻嚟msn翻一個朋友,同佢講翻我今次面試。因為曾幾何時,佢同我講佢嘅面試成功經驗。我記得當時聽佢講嗰陣,我嘅心情係有啲尊敬,有啲幸福。宜家諗翻起,好傻吧。16次飛行,已經越飛越遠了。

最近,好多流言蜚語。多謝關心我的好友。不算八卦,真的不算。雖然,我寧愿不知道。

不過都有開心嘅時候嘅。同Sky食飯,兩條友,講翻啲我從來冇講過佢知嘅嘢,愉快的晚餐。喂喂喂,我對你評價好高嘎。

天蠍座季節喇,快21喇。

Play list:容祖兒《男朋友與歌》;許志安《前程錦繡》;王浩信《不散不見》。

p.s,強烈推薦大家快啲下載無綫娛樂新聞台《范後感》第四集,嘉賓洪卓立。洪卓立,正啊!

 

外校回憶錄

上個星期六晚去咗Giby度,諗住同Leslie一齊三個人錄一輯叫《三8廿四》嘅podcast節目擺上morethemagazine.com。點知就因為冇準備好,所以計劃被擱置。取而代之嘅係三個人從夜晚11點傾到清晨5點,傾「外校回憶錄」。基本上,99ers我哋逐個講逐個分析,同時檢討埋自己。內容當日唔出得街啦,否則,全個99嘅人都會對我群起而攻之。或者當morethemagazine.com要執粒嘅時候,整啲咁節目上去,一定會有好多人聽。因為得罪得多人嘛。

原來,一個小小嘅年級,都可以有咁多嘢講。頂峰時期先180人左右,而且每年都走唔少人。而我自己,就係喺呢度成長起嚟嘅。當然有歡樂有淚水啦,仲有遺憾。「學會做人」呢句學校嘅校訓之一,真係有排學,永遠都學唔完。


講下其它喇。第二朝起唔到身,好遲先翻去睇院運會。其實last年,都冇乜嘢,翻去諗住緬懷下,順便及下人。點知,點知,點知,全場都冇亮點嘅!!!我就死咁喺華山操場兜圈,然後不斷默念「畀個亮點我。畀個亮點我!畀個亮點我!!!」唉,唯一一個亮點,只要我。哈哈哈。

 

 

同師弟師妹合照下先。


二十號呢個weekend就開始上新東方喇。簡直嘔血啊。唉……呢張相,係我9月報名嘅時候影嘅。講時講,嚟到大三先第一次經過呢個門口。以前「國立中山大學」嘅牌坊,好耐之前已經換上毛澤東嘅「為人民服務」。而石牌兩邊,就分別掛住「華南理工大學」同埋「華南農業大學」嘅牌。

我要走出去呢個門口!!!

 

 

三個男人一個墟 Chapter.2

 

話說,星期五下午同Kong、Milk、Vivi喺Neway唱K。一個奇怪嘅組合。并且我開唔到聲。

 

好喇,呢個先係重點。就係星期五晚約咗好耐冇見、唔再係一支公嘅BiewMak同埋之前未見過嘅Edwin。Giby唔嚟,後悔吧!!!仲要我哋兩個等Edwin放工等咗一個鐘。首先喺真功夫聊一下八卦。「喺真功夫食啲飯先,準備一陣『湯』啊。」使唔使啊?!有冇咁夸?!仲有Edwin把口實在太毒喇,哈哈哈。「住九樓。仲要冇電梯。」——呢啲只係佢功力嘅小小例子。冇緊要啦,直腸直肚好啊。至於喺真功夫講咗啲乜,都係唔講喇。講咗啲我聽咗之後唔多goe嘅嘢。Edwin仲大贊我同BiewMak有才華。皆因我哋識gel頭喎。下次嗰十幾蚊畀我賺好過啦。

之後蒲精們開始出發到。呵呵,今晚BiewMak真係邪。真係好邪!呢個就係成晚嘅爆點。畀我哋講足成晚。仲有冇其它爆點?真係冇乜咯。妖怪就遇到一個。真係好妖怪啊!宜家諗翻都打冷震。

我哋三支公就好似路人甲咁,入咗去見到一班唔識嘅人。佢哋有佢哋玩,我哋有我哋點歌咁。驚奇地發現哥歌啲歌竟然新過Neway。好啦,我對哥歌印象有所改觀喇。喺我同BiewMak合唱《歲月風雲》(我唱國語部分)之後,全場氣氛頓時撈咗之後冇耐,就閃人喇。落樓下再玩過。可惜,426啲音樂實在太太太大聲喇。我哋只可以靠手機打字嚟溝通。所以都係閃!

呢個時候,凌晨三點。時間唔三唔四,我冇理由打的翻天河,亦都有排等天光坐翻屋企。喺街度hea咗一陣,搵間M記24發現冇冷氣之後,就三支公去咗Edwin屋企喇。

Giby話「your dream finally come true.」——呵呵,同BiewMak瞓埋一齊……大家千祈唔好誤會!我一瞓低就瞓著咗喇。大家都攰到死屍咁。第二朝七點,BiewMak返工,我就返屋企。翻到去仲要冇門口入,打電話叫醒熟睡中的兩老開門,然後沖涼,落樓下食早餐,之後瞓到下午四點。晚上仲去陪表弟打羽毛球。

好健康嘅生活。蒲完仲識食早餐,蒲完仲會運動下。

p.s 各位諗住用手機上msn上Q扮喺屋企嘅同學注意喇。當對方問你電視做緊咩嘅時候,你可能已經背咗時間表,答「奸人堅」或者「通天幹探」。不過,如果下次對方問你亞視做緊咩,你點死呢?同時,要check對方是否在家的同學,你下次可以問下佢,亞視做緊咩……

p.s.2 點解呢個係chapter.2,咁chapter.1呢?我認我抄人哋嘅題目,chapter.1請見Giby網誌《三個男人一個墟》http://gibyforever.spaces.live.com/blog/cns!7C7FEB4F0B6BCED6!4095.entry

 

又一篇流水帳。

暗瘡男

 
最近
好多暗瘡
點算
?!
好翻小小又走去食小肥羊
搞到有人話我有暗病咁
我唔要爛面啊
!!!
 
 
 
同埋,順便,講聲
flickr用到farm3圖片服務器
而之前只有farm1、farm2被和諧
即係,宜家唔使改ip都可以load到flickr
 
講完
 
 

I’ve never thanked you enouth

It’s time for me to review.

from Mar.05.2006 to Sep.10.2007

thank you for bringing me the good memories and the time we shared together.

i thought that i should sing the sad songs, like Chet Lam’s Suddently Single, You’ve Got to Learn; Joey’s The 16th Lover; Kelly’s He is more ugly than me.

i did sing these songs in Zhuhai, with grief and indignation. but now i don’t think i need them.

does the story end? or just start?

thank you.

love,
Willy

蒲精

講翻前幾日嘅事情。話說一早plan好要去蒲一下,要去獵艷。所以10月1號晚,集齊廣州、佛山、武漢、北京、深圳嘅力量,為這個黃金週增添第一波激情。

點知,幾日前book咗嘅「X字尾」嘅bar,竟然冇同我留位。所以打的前往據說過氣嘅「H字尾」bar,但發現入面啲人年級偏大。好啦,去「Babyface」,點知又鬼死咁多人。最後去咗「426」。旅程真係坎坷。

熱舞吧!!!

不過重點係,我哋幾位落足眼力周圍「及」,發現都係「X字尾」好啲。所以決定轉場。

凌晨一點幾,竟然有位。不過啱先喺「426」就一打果酒,某豬鼻飲得唔多,都搞到嘔。而皇后就Wing下Wing下,要瞓一陣緩沖下。搞到叫咗一打啤酒冇乜人飲。死啦,肥媽唱啲歌,我竟然識唱。講翻入面,離想象中QAF咁樣,相差甚遠。入面都不乏ok嘅人,不過唔知點解,感覺上啲人都係講普通話嘅。最後,個「心型背心」竟然搵美女合照。點解冇人同我搭訕?!55555555555555

繼續熱舞吧。算啦,都係唔夠放。我係一個純情的男孩。

我又諗起《蒲精列傳》入面的一幕:『手上戴上過多的手繩……一入去,就注定喺入面長生不老……』(唔記得原文係唔係咁)

其實,我哋身邊嘅人物關係圖,咪仲復雜。每個人都可以寫一個故事。combine埋,又可以出「vol.3」、「vol.4」…………

好一篇連我自己都唔知講咩嘅blog!

下次繼續去蒲!

 

 

%d bloggers like this: