Less! Magazine

唔知呢個算唔算係More!
有More!自然有Less!喎
 
見到Giby整嘅呢張嘢
唔知好嬲定好笑
 
你哋睇下
入面個個字都有骨嘎!!!
 
不過都好想用把DJ聲錄段VO
全新一期《Less!》出版咗喇! 
 

緊急通知!

珠海的三日兩夜

講咗好多年搵個週末去珠海嘅大學玩,呢個星期終於實現。星期五去大學城中大(中山大學東校區)坐車去珠海中大(中山大學珠海校區),即係貝岡村分校坐去唐家灣分校。有中大學生證每位¥35,所以厄咗張學生證扮中大學生,平一半。
 
1小時30分鐘的車程,準時到達珠海中大。住中大招待所100蚊一晚,4個人share,非常節儉,不過環境就一般。仲有就係珠海中大嘅環境冇想像中咁靚,嗰個號稱全亞洲最長嘅教學樓真係好醜。放低曬所有行李後,第一站就係去食有名嘅唐家雞粥同埋燒烤。不過燒烤嘅地方真係過於偏僻,行入去啲城中村真係好似怕畀人賣咗去咁。不過最後都係「豁然開朗」、「別有洞天」。

我哋四個加埋其他北師嘅frd,玩「7、8、9」嘅骰子遊戲。我都算飲得多嘎喇,因為要有風度,幫人手。不過啲酒實在難飲。難飲嘅啤酒加唔好嘅心情,真係好容易嘔。

 

第二日去咗北師大。北師大就真係好靚喇,啲人都好靚。比起華農,真係要識打扮好多。同樣有「賞心悅目」嘅感覺。終於見到傳說中嘅靚仔「大家姐」。可惜冇合照。

 
 

 

最surprise嘅係係北師見到黃河同朱裘越。咁都撞到,你話係唔係surprise呢?!

 

坐泥鯭車出市區,平時大約RMB50,嗰日迎新RMB60。去到拱北,然後喺好多流嘢嘅地方食「好好味嘅咖喱」。仲有學識分辨「A貨」同「超A」貨。啲流嘢波鞋仲可以預訂款式添,真犀利。

因為時間唔啱,無謂喺拱北挨時間挨到10點去酒吧街,所以都係快啲去九洲水會。呢個做spa嘅地方,收費平,RMB 60 each,都ok。雖然我覺得啲裝修唔太現代。60蚊包曬游水、桑拿、自助餐、打球、做gym、上網、睇電視、過夜嘅費用,唱K、按摩另計。

終於第二朝10點幾先出嚟。lunch之後就翻翻珠海中大,繼續扮中大學生翻廣州。好玩!好攰。

三日兩夜,盛惠每位350。

唱K,第一次唱《16號愛人》唱到咁激動。

講完。

 

 

BACK TO ES 賞心悅目

噚晚接收咗樂樂邀請,先翻本部蹭飯吃,再翻外校探老師。所以今日10點鐘上完課,就開始今日嘅「廣外之旅」。
 
早過樂樂5分鐘到達校本部,唔使畀佢SM。之後馬上去搵藍翔同勇勇,啱好佢哋課間break。
劉婧,唔使咁驚訝,樂樂係我同學啫。今日純粹講笑。
 
午飯有任大小姐請客。首先佢兜遠路去咗一個遠飯堂。仲要飯卡得翻18蚊學人請食飯。最後竟然三個人叫三個特價¥5.9肉醬飯。超難食超唔抵好唔好。畀大學城嘅扒飯差太遠喇吧,仲差過華農。
 
Lulu從大老遠的宿舍過嚟,啱啱上完課嘅Giby and Ian都到咗,仲有見到韋瑋,趕著「回日本」。

 
之後去到傳說中廣外最差嘅一棟男生宿舍。比我想象中要好吧。我以為係好似以前外校洗衣房嗰邊啲成教宿舍咁差,今日去,還OK。其實,我同樂樂都好羨慕Giby、勇勇、Blacky、蕉哥,樂也融融,真係可遇不可求。
 
2點鐘,上課時間,扮廣外學生上咗半節課。3班同5班一齊上,悶到爆嘅外教國際商法。最後,鼠出去,得翻我哋兩個翻外校。
 

 
長途跋涉,一翻到嚟王一臣就認到我哋。待續

 

Willy for @ Radio Guangdong

9月9號(星期日)7:00pm~8:00pm
FM103.6廣東電台城市之聲 《廣東高校廣播聯盟》「廣東高校型人show」
 
我做嘉賓啊
我係型人啊
哈哈哈哈哈
記住收聽喇
 
上圖左起:Mimi(客席主持)、Willy(《More!》發行人)、小白(主持)
 
 
 

九月一號 開學了 大三了

 
一轉眼,大學生涯已經過咗一半,或者可以講係就快進入尾聲,咁就大三喇。過去呢兩年,得到咗啲乜,又失去咗啲咩呢?而呢個假期,你又做咗啲咩呢?
 
應該都係時候寫下呢個暑假回顧。Key Words:DJ新秀創意市集長隆四海一家深圳、番禺、Gym、香港同學會……
 
理論上,這個暑假是特別的,不過也是渾沌的。特別是夜深人靜時,總是不想睡覺,search來search去,該看的不該看的,開心的傷心的……
 

 

 

 
看見別人練了一身好身材,威利同學這個暑假繼續做gym。效果先不說,因為才一個月,不過體重確實有增加,起碼不想以前像紙一樣薄。至於一身好身材有甚麼用?練了一身好身材又是否會被人搶去?
 
 

 

 

 
這個暑假,回訪番禺。話說一年前某來自番禺的暗瘡男訪問佛山,一年後的暑假,我就親善回訪。一年後,暗瘡男已經冇咁多暗瘡,不過排骨依然。
 
話說小學同學聚會之後,連夜趕往番禺,從佛山一環到坑口,從地鐵一號線到公園前,地鐵二號線到客村,地鐵三號線到市橋,長途跋涉。一出地鐵站,仲要落雨。韓生仲要“bite咗”(瘸了),艱難咁行到糖水鋪,拍攝了以上精彩的照片。
 
不過,終於見識到聞名不如見面嘅阿葵,仲有窗外的二樓空中大花園。
 

 

蒲精列傳

 

 
終於買咗《蒲精列傳vol.2 確認》(Tales of Party Animals vol.2 Perhaps, Love),究竟係唔係好似書中所講。貌似悲慘結局居多嘅小說,有個大團圓結局,意料之外又是情理之中。究竟幾多人會可以修成正果,又有幾多人好似《蒲精》入面顛花咁,失去理性,失去親情、學業,得到的是煙、酒、丸仔,最後終日在酒吧桑拿長生不老。
 
《蒲精列傳vol.1 不能》摘錄(P104):
他說要找一個『一生中最愛』,然後一起生活——有這個想法,真是如假包換的20歲。
 
我,現正20歲 ……………… -_-|||
 

 

八王子

 
廣播劇《八王子》絕對值得推薦。說不定,10年之後回首我們的學生年代,也有這樣的想法和經歷,只不過回味《430穿梭機》變成回味《閃電傳真機》而已。而《閃電傳真機》改名之後,你仲有冇睇過無綫嘅兒童節目呢?《至Net小人類》同《放學ICU》你又知唔知係咩呢?從8964,到97回歸,再到0371。從陳百強、鄧麗君、羅文、張國榮、梅艷芳到黃霑。仲有沙士日日戴口罩嘅日子。
 
Peter(重音喺後面)同阿志喺秘密基地的對話:(「Peter」,『阿志』)
「對唔住啊,我接受唔到啊。」
『咩叫接受唔到啫?!你唔係話畀我聽你原來一直都唔係啊嘛?!呢度得我同你,你咪扮嘢啦,好唔好啊。』
「我……唉……你中意點諗就點諗啦。總之我只係當你朋友,只係咁簡單。」
『咁古占呢?你又當佢係咩啊?又係朋友咁簡單啊?咪話我話你吖,我知嘎,你一直都中意佢吖嘛。』
「黐線啊!我唔知你講咩啊!無端端關古占咩事啊?」
『你自己知自己事啦。我吳志剛有啲咩唔好啊?!我成績又叻,家底又好,又多女仔中意。我有啲咩比唔上古占啊?你講吖!』
「都話咗唔關事啊。你講咗去邊啊?依家唔係你要咩有咩先至挑戰難度學人中意男仔啊。呢啲嘢唔係咁樣拎嚟玩嘎!總之一句講曬,我同你係朋友,我同古占佢哋都係朋友,聽清楚未?我唔會講畀人聽,我會當冇事發生,佢哋都唔會知你翻咗嚟,佢哋仍然會以為你同屋企人去咗外國旅行,好未?」
『你?……你真係唔係咩?定係因為古占先拒絕我啊?』
「阿志啊,我好中意同你一齊玩,一齊傻更更咁過日子咁樣米仲好。我唔想煩咁多嘢你明唔明啊?」
『OK,我明。你同我保守呢個秘密吖。唔好話畀其他人知。好冇?』
「放心啦,我好明白你嘅感受啊。我唔會話畀其他人知。……」
以上呢一段,係最震驚嘅一段。真係估唔到一直係一個迷,迷咗好幾集Peter喺秘密基地見到嗰個人原來真係阿志,而且阿志竟然講呢啲嘢。不過「Peter係唔係」呢一個問題,答案好明顯。因為有一集佢入面講到「我呢邊,咪仲難搵」。
 
 
仲有「林戚的自白」摘錄:
我姓林,單字一個戚。我喺一個平凡嘅家庭長大,我父母嘅工作好平凡,我個樣好平凡,經歷都好平凡。我係上帝啤膠啤公仔啤出來嘅嗰種行貨。咁又冇話差嘅,不過都冇咩比人優勝,我係嗰啲每間學校每班入面都有嘅四眼仔,矮矮daat daat,成績中等,冇任何令人印象深刻嘅嘢,冇任何印象會留低,甚至缺席冇到,反正都唔會有人知道嗰種。我知道自己將來會係點嘎,求求其其,會考俾人踢出嚟,再repeat一年。一路打份五六千蚊嘅寫字樓文員工,一直在職培訓過幾年就識到個同我差唔多咁平平凡凡嘅女仔囉。行街食飯傾電話睇電視,然後去到某個年紀就結婚擺酒去東南亞度蜜月。喺隔涉小小嘅地方好似天水圍啊將軍澳啊搵層平平哋嘅樓慢慢挨下啦,供下啦,然後生仔啦,湊仔啦。老嗰時啊,中風啦,生Cancer啦,咁就一世喇。
 
…………
 
正如啲人成日分唔到張崇基啦張崇德啦,將陸佳俊個樣配咗去蔡興倫嗰度啦,又或者將蔡振民同蔡興倫撈亂咗咁啦。有人永遠都分唔到崔尚宮同埋韓尚宮邊個打邊個啦,兩個一齊著時裝就仲死,亂曬大龍添。咁啊有人唔知道楊明同黃宗澤唔係同一個人啦,分唔出江芷妮同埋康芷妮同唐詩詠有咩分別啦。永遠又數唔翻太極有邊七子,Sky五個邊個打邊個啊,又唔記得咗cookies嗰九件餅嘅姓名樣貌,又分唔清夢劇院同echo。即使當年紅極一時嘅溫拿樂隊數嚟數去淨係記得阿倫阿B彭健新,叻極就知道有個陳友喎,永遠都唔記得凈翻邊個個喎,佢玩咩樂器呢?小虎隊噏嚟噏去都係只得一個胡偉康嘅啫。當年blue jeans同埋宜家重出江湖嘅blue jeans究竟多咗邊個又少咗邊個呢?
 
話唔定,好多人都好似佢咁不甘於平凡。又話唔定,平平凡凡咁,結婚生仔生Cancer,唔使咁復雜,咁就一世,咪仲開心幸福快樂。
 

 

開學了

 
大三,junior,究竟代表咩呢?
 
真係唔想諗咁多。
 
『我一直都叫你俾心机读书嫁啦』。2007-10-20至2007-12-23,每週六日15:20~21:20,新東方GRE高強突破。
 
唉。
 
離不開,留不低,只為……
 
 
 
 
 

%d bloggers like this: