99同學會 + 暢遊獵德村

 
經過樂樂同班長精心策劃,一行20人(加埋樂樂表弟)嚟到天河城七樓怡景自助餐。好耐冇見喇!
 
成成型咗;羅丹瘦咗;鯪魚肥咗;Lulu隻眼大咗;樂樂fit咗;黎智立頭髮長咗;劉思洋韓國feel又重咗;阮米餅女人咗;張舒主動咗……其實大家都冇乜點變。繼續聊八卦,聊近況,聊緋聞,聊學業,謠言就係咁樣傳開嘅。
 
樂樂:「除褲!!準備好未啊?幾時嚟啊?」
Willy:『我怕你滿足唔到我……』
樂樂:「快啲去買codom啦。」
Willy:『凈係condom唔夠嘎……』
每次同樂樂都係「除褲」式嘅荒淫對話。
 
羅丹:「米餅,你做乜男扮女裝啊?」
Lulu引述Miffy話:『阮阮有男朋友?!怎麼可能!』
 
某人A(唔記得邊個):「劉世平畀人拉咗。究竟貪咗幾多?」
某人B:『可能幾百萬掛……』
某人C:「啊?兩百萬?」
謠言就是這樣傳開的……
吳姜希:『有沒有更高?六百萬第一次……六百萬第三次,成交!』
劉世平被捕事件,聽講又畀人放翻出嚟。
 
天河城怡景自助餐,升咗價,58一位,不過完全唔掂!冇乜嘢食。差過以前好多!
 
裴丹有約冇嚟,不過都出現咗一陣,見咗大家。可惜冇大合照。

之後,冇乜節目,各散喇。得翻我哋三個,就由Lulu帶隊,去佢屋企附近、被珠江新城淹沒嘅獵德村——獵德水城。


這part文字稍後更新

香港「自由神」之旅

如果暑假冇去香港,就硬係差緊啲嘢咁。臨近尾聲嘅暑假,又係我同Giby、Lion、小桔一同「尋找他鄉的向世界出發」香港自由神之旅。不過這次有些特別,我隻身去隻身回,大家相約在香港匯合。
 
07年8月18號,在廣州到深圳的和諧號D字頭特快火車上,見到ES校友。和諧號CHR列車最高時速220km/h,一個鐘頭零三分鐘就到深圳喇(中途仲停咗石龍同樟木頭兩個站)。到深圳後又相約Andrew在福田新口岸過關。雖然羅湖坐地鐵去福田要差不多半個鐘,不過避開羅湖口岸的人山人海,感受下落馬洲的新氣象和濕地公園的好風景,再加上落馬洲支線一定有位坐,值得嘅。時間都係差唔多,喺羅湖同人逼都要半個鐘啦。
 
由於酒店好難book,Giby最後都book到皇家太平洋,繼續挨貴酒店。anyway……馬上開展今集嘅「尋找他鄉的向世界出發」。
 

 
第一站,中港城「壹麵館」。我哋呢兩日嘅飯堂,性價比極高,計埋同廣州差唔多。終於知道廣州食飯有幾貴喇。香煎雞扒飯、洋蔥豬扒飯、窩蛋免治牛肉飯都係誠意推介。
 
第二站,海港城。izzue三折起,第二件折價貨品再七折,竟然唔使HKD50就買到件。PAGEONE就終於買到《蒲精列傳vol.2 確認》(Tales of Party Animals vol.2 Perhaps, Love),再買埋《係命嚟嘅》(C’est La Vie)。第二日,再次嚟到呢度,仲不忘買翻啲SKIN CARE。終於買咗CLINIQUE嘅潔膚水同埋洗面梘。好貴啊。不過我爆瘡,希望可以改善我的皮膚。不過舊男士洗面梘亦都太大舊喇吧,應該可以用成年。
 
第三站,UNIQLO。同Giby兩人簡直瘋狂。UNIQLO入面有好多世界各地新晉設計師設計嘅TEE,都係HKD59~79。瘋狂咁試咗差不多10件之後,最後都好理智咁,凈係買3件。
 
第四站,銅鑼灣SOGO。本來我極之唔中意行銅鑼灣SOGO,因為唔中意啲lift,好窄。不過終於喺9樓有意外驚喜。等小桔個frd嘅時候,見到啲太空枕,諗起上次喺南海沃爾瑪同媽咪睇過,媽咪又成日話咁枕頭唔舒服,成日失眠。終於就買咗兩個翻嚟喇。唉,攞住大大個SOGO袋,裝住兩個大枕頭,好似將「自由神」三個字鑿喺額頭咁。不過冇計啦,鬼叫平咁多咩,做下搬運工孝順仔啦。
 
其實香港來來去去都係嗰啲地方,冇乜好行。今次始終都冇去到「翠華茶餐廳隔離嗰啲酒吧」,下次啦,始終有機會嘅。至於今次香港我哋等人以及其它趣事,就請參考Giby嘅網誌:http://gibyforever.spaces.live.com/blog/cns!7C7FEB4F0B6BCED6!3835.entry
 

 
好喇,喺呢度我特別向大家講下「中國移動動感地帶香港日套餐」。呢個套餐真係好抵嘎,發短訊辦理成功之後,喺香港漫遊接電話全免,打本港電話RMB0.39一分鐘,打內地電話RMB0.69一分鐘。!!!!!!不過!!!!!!點樣先算係「成功辦理」呢?發短訊去到唔叫成功辦理。收到10086發過嚟嘅短訊『尊敬的客户:您已成功开通一卡多号香港日套餐业务……』及資費說明,都唔叫成功辦理。直至收到1868發嚟嘅短訊『尊敬的一卡多号客户,中国移动祝您香港之旅愉快!……中国移动万众免费客服热线:22117888……』咁先至叫做成功辦理。點解我咁清楚,係因為我以為成功辦理咗之後講咗幾個電話,電話餘額由RMB70直線下降至RMB0.29先恍然大悟。各位「自由神」,下次唔好畀中國移動欺騙喇。
 

 
8月19號晚,獨自從羅湖過關翻深圳。仲不忘喺免稅店買煙(i am not a smoker)。不過非常黑仔,原來D字頭和諧號廣深特快火車開咗之後,火車就好早收。我大約10:50去到火車站,發現最後一班車竟然係10:40,頂!好彩,趕到去汽車站搭巴士翻廣州。好彩識打個電話畀深圳嘅Andrew問下汽車嘅嘢,唔係就唯有喺深圳過夜。上咗巴士,打咗個電話,好hurt,要思考下喺香港Giby同Lion同我講嘅嘢。 
 
翻到屋企,睇完啲戰利品之後,開始煩——我該如何還咭數?之前做parttime嗰啲,應該夠嘅……

究竟,條5頁嘅短訊發唔發得出呢?

回來再說吧……

 

 

 

Have Fun – DJ Star Competition

DJ Star Competition – Aug 11 2007


so happy to join the DJ Star Competition by Radio Foshan FM98.5
i am one of the top20 among almost two thousand contestants though i didn’t enter the final
anyway
happy to meet other 19 contestants and the DJs / staff in Radio Foshan
such as 恆恆、嘉嘉、阿肥
 
the competition for me, just have fun!
 
and special thx to my parents and my dear frds to go far far away to Shunde to see my performance
 
 
 

我係TOP20!2007佛山電台DJ新秀大賽

 

Willy is still on his way
and he is getting ready to fly
 
 
就是這樣
機緣巧合參加了FM98.5主辦的「動感地帶·佛山電台DJ新秀大賽2007」
FM98.5(佛山電台音樂台 / 千色985 / Hi Fine FM985)是珠三角收聽率最高的電臺頻率,并且好多廣東廣播界的精英都是出自佛山電台。
有機會進入TOP20,當然會好好珍惜,認真咁對待,并且一定會好享受這個比賽的過程。
還要,完某人年輕的夢想(其實佢唔老,非常年輕)。
 
當然還要大家多多支持。
登錄「2007佛山電台DJ新秀大賽」主頁http://www.946.com.cn/ztnews/07djds/xszl.htm投我一票。
我係9號Willy。
 
另外還有一個短訊人氣獎
短訊投票方式
發送DJ到0757180069
然後回覆TP09
就可以投我一票
 
多謝支持!
 
 
%d bloggers like this: