Willy @ FM98.5《情迷MUSIC BLOG》

 

(佛山電台大堂)

(佛山電台直播室,《情迷MUSIC BLOG》開始前的老軍醫節目。原來軍醫唔喺直播室入面。)

(直播室內。子風忙於準備。)

(我用嘅咪)

(控制台)

(子風@FM98.5《情迷MUSIC BLOG》)

(佛山新聞中心 花園)

今日驅車到佛山新聞中心,上子風的節目《情迷MUSIC BLOG》。多謝子風給機會我上節目介紹一下《More!》和自己的網誌,「兜售屬於青春熱血的故事」(——from 子風’s blog「欲望的SKY」)。

講到我個Blog的標題「Willy on the way」以及副標題「我,在途上,義無反顧」。的確,在人生的旅途上,還有很長一段路要走,永遠都在途中,沒有終點。亦的確,有些路途,一旦選擇了,就不能回頭,你、我深知。

p.s 仲無啦啦去咗985DJ大賽面試。都唔知點咁嘅~ 怪怪地……

 

遲啲將節目剪好擺上嚟。敬請期待……

 

 

 

20小時隻身闖深圳

 

 

 

 

 

隻身闖深圳
是衝動?
是荒唐?
 
越想補償上次來不了的遺憾
越想找到一些甚麼感覺
就越得不到
 
真的想跨過那個口岸
到香港逛逛 一個人
可惜通行證就是在緊要關頭找不到
 
i am not belong here
還是回廣州吧……
 

創意市集 + 長隆暴曬6小時

 

這個暑假剛剛開始,《More!》就分別來到廣州、佛山兩個不同的攤位,第一次參與現場售賣活動。2007年7月20日來到佛山南海佑一城,佛山電台主辦的「985創意市集」;21日就出現在廣州東川名店城,《可樂生活》主辦的「潮墟」。出生不久的《More!》,當然不會只用第一期的雜誌擺地攤這麼沒有誠意。我們廣佛兩地的攤位都是經過精心設計的。充滿magic的「More方」(魔方)把我們的熱情和氣勢都堆砌起來,還有不斷重復的「新生代獨立創作雜誌」的幾個字和醒目的「More!」LOGO吸引著大家的目光。

 
這兩個跳蚤市場式的攤位,充滿著年青人的創意和激情,讓更多人認識《More!》,同時也讓《More!》與更多人交流。這次活動,售賣成績不俗,收集到不少能推動我們進步的寶貴意見,同時結識到一班同樣從事獨立創作的後生仔女和支持我們的媒體工作者。多謝佛山電台的子風、嘉娛頻道的Vico、廣東公共頻道的Anson……
 
兩日的攤位之後,More!的成員們都害怕夜晚發夢的時候,都會聽到Willy兩日來不斷重復的對白「這是我們獨立創作的雜誌,本地和海外的內容都是原創。成員遍布廣州、香港、北京、英國、美國……」。
 
轉翻粵語tone,上面嗰啲字本來係寫上morethemagazine.com嘅。好喇,寫翻啲我自己切身感受嘅嘢。
 
首先講下攤位佈置。由於估計錯誤,攞多咗好多紙皮箱(好彩呢啲高質量嘅紙皮箱唔使錢)。跟住就係介字嘅成本超過預算,「985創意市集」係免費嘅,不過「潮墟」需要攤位費,所以成本都頗高。
 
另外就係有啲小插曲發生。我係堅持自己係啱嘅,應承得佛山電台,冇理由話唔去就唔去。好彩臨時班馬成功,多謝大將軍同埋兩位小學好友的支持,如果唔係,我都唔知點算。合作、相處之道,真係要不斷學習。
 
我同Giby話,「985創意市集你唔去真係嘥曬。」確實如此。當日接受咗佛山電視台嘅採訪,仲有就係認識咗佛山電台嘅DJ子風。可能仲有機會上佢節目添。廣州嗰日,都有好多有份量嘅人士。
 

Willy X 子風 (佛山電台節目監制,FM98.5《情迷MUSIC BLOG》節目主持)

 
兩日嚟,我不斷repeat同一句對白,Matthew話聽到毛管恫。大家都話我有潛質去做GIODANO sales。可能佢哋夜晚發噩夢,都會繼續聽到我喺度sell緊雜誌。
 
「潮墟」仲見到好多好耐冇見嘅同學。畢業兩年了,各位ESers還好嗎?似乎各有各忙,考試嘅考試,intern嘅intern。一場嚟到「潮墟」當然唔會兩手空空,一人一本《More!》買走。多謝支持!
 

 
連續幾日每日睡眠時間只有四小時。真係攰曬…………
 

 
長隆暴曬6小時
 
由於最近懶,好耐冇寫blog,所以整埋落一篇嘢度。
 
話說兩日擺攤之後,Willy同學已經身心疲倦。21號翻到佛山之後,已經好攰,10點鐘就上床瞓覺喇。好,倒帶倒翻兩個鐘頭之前,8點幾喺翻緊屋企嘅巴士途中,收到一個電話,Willy同學先作出10點瞓覺呢個百年不遇嘅決定。
 
冇錯,就係第二日要去長隆水上樂園。
 
連續兩日擺攤,仲可以去長隆水上樂園,真係佩服自己。年輕就是力量!我中意同陽光玩遊戲!
 
就係咁,第二日再次早早搭巴士去地鐵站,向長隆進發。冇帶防曬嘅Willy,當然會短訊通知同行嘅朋友借防曬一用。不過亦因為咁,Willy同學附上沉重的代價。
 
某人嘅一句「曬黑啲好睇」加上得唯一一支搽咗會曬黑嘅太陽油,Willy就喺長隆暴曬咗6個鐘頭。根據《廣州日報》報道,當日長隆入場人數達4萬人,園方一度停止售票,因為水上樂園設施已經不勝負荷。雖然一早11點已經入場,不過排咗近1個鐘頭先玩到一個不算大型嘅滑梯,所以Willy等人已經將當然嘅目標變成「曬太陽」+「純『及』人」。個個人都得泳衣泳褲,冇著衫,睇到嘅只有身材,睇唔到衫褲嘅價錢睇唔到各自嘅身份,(注意,有鄉音嘅就最好唔好出聲,唔係一出聲就出賣咗你自己),所以齋「及」人都係一種享受嘅。雖然正嘅人唔多……
 
經過6個鐘頭之後,Willy同學的膚色比初一煤渣地軍訓後的時候更加恐怖。連帶嘅係甩皮、爆暗瘡。沖涼時候發現,自己已經變成「男主角」咁,曬出咗泳褲印,pat pat好白…… -_-|||
 
算啦,長隆之旅總是開心的!!!之後去咗「四海一家」自助餐,正!
 
最後總結:見到人哋嘅做gym成果,Willy高呼「我要做GYM!我要大胸!我要手瓜!」
 
 

More! 廣州潮墟、佛山985創意市集 現場熱賣!

踏入炎熱的暑假,《More!》將會走出校園,走上街頭,現場熱賣!
「985創意市集」與「潮墟」分別為佛山電台和《可樂生活》主辦的原創活動,為原創力量提供一個創意無限的舞台。 這兩個活動滿足的是現代都市青年一代對一個開放、多元社會的渴望。這其中包含了對作品展示空間的探尋,也包含了對交易平台的渴求。它倡導的是一種年輕化的 創造精神以及個性的張揚。「985創意市集」和「潮墟」將會聚集一班最in最潮最有創意的原創生力軍,將自己創作的得意作品展現於大家眼前。

作為「新生代獨立創作雜誌」的《More!》當然不會缺席。屆時,《More!》將會現場熱賣,展現獨立創作與國際藝術時 尚潮流文化的完美結合。更可與一班編者暢談對藝術、對生活、對文化的見解。《More!》將會是這兩個活動的亮點之一。

2007年7月20日 10:00am~6:00pm
佛山電台「985創意市集」
地點:佛山市南海區佑一城外(南海廣場側)

交通路線:
[佛山] 佛山市內公交102、104、120、 132、137、139、204、206、207、208、210、227、238、245、261、276至「南海廣場站」。
[廣州] 地鐵坑口站B出口至芳村客運站,乘坐555、777、2202、2238公交車至「南海廣場站」。

2007年7月21日 10:00pm~6:00pm
《可樂生活》「潮墟」
地點:廣州市東川名店城籃球場

交通路線:
地鐵一號線烈士陵園站;廣州市內公交1、22、40、76、102、 107、108、183、211、221、222、227、243、517、546、864 至「烈士陵園站」。

More!約定你!不見不散。

http://www.morethemagazine.com/

 

Passion!

 
let the stars shine through
all i wanna do is be with you
 
wait for the mid-July with passion
 
 
 
 
 
PASSION FIRE
photo by Willy
outside Willy’s house
Foshan Natural Gas Project
 
 
%d bloggers like this: