大聲展2007·廣州

Get it Louder 大聲展2007
 
第一站率先在廣州正佳廣場開幕,展期為6.23-7.8。26號當晚,經過正佳,行咗一圈。未有好完整同系統咁睇完,不過都影咗唔少相,喺度同大家分享下先。大聲展官方網站http://www.getitlouder.com
 
喺正佳廣場搞,免費入場,等更多嘅人可以參與其中,感受到藝術生活。我相信好多人都會有想入去美術館睇展覽嘅衝動,不過就被「美術館」呢三個字所嚇倒,認為自己唔係咩藝術人,唔識得欣賞,自自然然就唔會去睇呢啲咁嘅展覽。
 
我唔係咩藝術人,冇藝術天份同細胞。有事熱衷於去睇呢啲展覽,只係想開拓下自己嘅視野,當然,都可以認為我扮嘢(or扮蟹)。當中設計師們所表達所發出的訊號,就要慢慢理解和思考。
 
最上面那張相,是模擬今年收到洪災損毀嘅廣東省韶關樂昌市嘅一間小學。我喜歡這張背著背囊,在紅土墻前的照片。突然讓我想起那個1kg計劃。不知道能否成行呢?就是不知道,就變成下面那一張氫氣球包圍的迷茫狀態。尋夢?撐一支長篙,向青草更青處漫溯。滿載一船星輝,在星輝斑斕裡放歌。
 

以下照片,來自本人picasa相冊http://picasaweb.google.com/lohinleung/20070626


從正佳出來,已經入夜很久。宏誠廣場換上了nike新一季易建聯的大型海報。我唔知道上海萬人體育館的全包圍廣告係點嘅,上海,無奈地,還是沒有成行。不過廣州的這一刻,好靚,好親切。

 

 

 

 

Advertisements

More!終於出世 + 林一峰星海唱遊 + 張學友佛山演唱會

More!終於出世喇。
 
 
 
6月14號,印刷廠新鮮運到,攞到出嚟睇嗰一刻,見到本雜誌,就好似見住自己個仔出世咁,係興奮、係感動。雖然冇好似之前預想咁,喊一下。辛苦咗咁耐,終於出到街。
 
諗翻差不多半年前嘅某一日,Giby話今次佢要搞一本雜誌。而且一定唔會畀去爛尾。最後,我哋keep到呢個promise,真係冇爛尾。多謝呢位好朋友Giby畀到我參與嘅機會。其實佢係最辛苦嘅一個,統籌、攝影、定方向、跑業務,仲有每一頁雜誌的設計和排版,全程參與,應該會有更大的感觸。
 
我負責咗本地嘅兩part採訪。成日夢想做記者,以為去「朴咪」好容易,最後仲可以做個好有型嘅扒「無綫電視記者報道」;又以為人哋總經理得閑無事做,開個「志雲飯局」嚟滿足佢「姣守唔到寡」嘅出鏡心理。原來去做一個專訪唔係一件簡單嘅事。第一次嘅專訪,係採訪身邊嘅朋友SickSick,不過已經出現好多dead air。好彩唔係電視LIVE。最後轉化成文字,更加要知道「讀者想睇到係乜」,去取捨邊啲要邊啲唔要。第二次採訪叉雞同任非。兩位之前互不相識嘅嘉賓「共冶一爐」,原本諗住係慳時間,想不到叉雞話呢個係一個新穎嘅臺灣開始流行嘅採訪手法。最後效果比較滿意,同佢哋嘅談話,真係學到嘢。
 
翻開第六期《RICE》,竟然喺「讀者來信」見到自己個名。原來係轉載咗我上次睇完《RICE》寫嘅一篇網誌嘅開頭。我話《RICE》係一個令人妒忌嘅夢。咁《More!》算唔算完成咗大學時代嘅夢呢?定係好似CU09咁,變成一個回憶?記得某一晚,同Giby喺電話度argue咗兩個鐘,究竟第一期應唔應該喺唔成熟嘅情況下出出嚟,定係自己印啲demo,做好第二期。最後,我們當然「心口得個勇字」出咗嚟。不過我哋一定會繼續落去。
 
做咗個網站出嚟,到之後跑印刷廠、跑寄店。係攰嘅,辛苦嘅,不過參與其中,確實係開心嘅。
 
作為「運營總監」嘅我,仲要同More!嘅各個成員say sorry。我校對真係出咗好多問題。而且,更加要學會不再為自己找excuse。
 
post幾張相,攞到雜誌一刻的感動和興奮。包裝後大家就開始與《More!》合照:
 
 
6月16日,《More!》正式發售嘅大日子。下午同Giby攞去恒寶寄賣。約好Emma,不過佢未到,就擺低喺鋪頭,之後就周圍行下。點知,行完一圈翻去之後,就已經見到有人買咗。後來聽翻個sales講,原來之前已經好多人嚟問過,嗰日一個早上就有4個人嚟問過。開心啊!!!!而呢位第一位讀者,稍後仲有下文。

終於輪到呢篇blog嘅第二part
 
Jun.18.2007 林一峰唱遊演唱會
 
講翻個show。可能心情唔同,冇喺上次喺中大咁興奮。可能星海,呢個殿堂級嘅表演場地,會比較拘謹。再加上啲音響,硬係覺得怪怪地,沒有很好地表現一峰清澈嘅聲音。
 

當然,大合唱《The Best is Yet to Come》一刻的感動,還有林一峰點燃星海一刻的心情,不會忘記。
「寂寞半點假如不能承受,這生命注定過得不易,笑與淚,亦有時候」
 

林一峰+鋼琴師何秉舜+鼓手梁俊威,仲有殿堂級星海嘅管風琴。仲有歌與歌之間嘅crossover,令我全程投入,再全程攞住DV記錄呢一刻嘅感動,(仲有同Giby唔出得街嘅conversation)。不過我尊重版權,絕對唔會youtube嘅。
 
一峰演唱會,some kind of function。不過今次,識到唔少人。首先多謝Biewing,介紹咗無了期band隊同埋音響師等一眾勁人畀我哋識。之後又被MTV捉住採訪,我哋當然唔放過Promote嘅機會。就係咁,又認識到MTV嘅人,原來camman仲係同我同屆華農藝術學院嘅同學。下次可能仲會有機會合作。仲有一位華農畢業嘅師姐,畀咗啲好好嘅意見我哋。唉……搞到嚟睇演唱會唔係主要目的咁。
 

同時,見到我哋嘅採訪嘉賓叉雞同任非,閑聊一陣,講下一峰,講下More!。我哋仲好搞怪咁拍咗個「《More!》簽售會排長龍」嘅DV。(左起:Willy@More!,踏雲@RICE,叉雞@RICE,任非,Giby@More!)
 
最後,畀一峰簽名嘅同時送咗一本《More!》畀佢。不過佢唔肯同我合照啊!!!可能佢太攰,同時經理人又阻止咗。
 
離開嘅時候,仲有意外驚喜。就係見翻當日恒寶嗰位《More!》嘅首位讀者Benny喇!!!以後多多交流下。
 

p.s病咗幾日,病到瘦咗病到丑咗。0621,最後都冇去到上海。
 
 
 
 
 
Jun.22.2007
學友光年·張學友世界巡回演唱會 佛山站
 

佛山世紀蓮體育中心開幕以來首場演唱會。近4萬人,衝著歌神張學友而來。(上圖為合成圖片)
 

歌神還吸引了兩位英國的好友。miss了3月份廣州那一場,剛回國幾日,就來佛山。他們還有幸,成為我拿到車牌之後的第一批乘客。我的駕駛技術還不錯吧。
 

全場3個多小時,張學友交足功課。沒有想過encore近一個小時,近11點45才散場。《雪狼湖》與《如果·愛》的crossover,把這兩齣他的音樂劇combine在一起,有很特別的效果。平時很少聽的歌神經典,卻能背出歌詞來。《愛火花》、《一千個傷心的理由》、《只想一生跟你走》、《餓狼傳說》、《吻別》、《她來聽我的演唱會》、《李香蘭》……感動全場。
 
歌神不愧為歌神!
 

 

 

 

 

Busy June

突然好忙好忙好忙
有啲嘢 真係遲早要還
呢個就係寫作嘅功課
每個星期一篇task加一篇reflection 加加埋埋10幾篇嘢 因為TEM4可以唔交住
所以一直拖到期末 星期五就係dead line
成個學期 我寫咗一半左右 今晚就要將剩下嘅寫曬佢
聽日要剪3段DV 後日就要搞掂More! 為16號做準備
18號林一峰@星海
22號張學友@世紀蓮
真係忙嘅啫
 

post翻張之前影嘅相先 係唔係好靚呢?
我唔係話我自己 雖然呢個唔使講都知靚
我係話個無敵大江景 同埋嗰兩個Cable嘅藍色海綿mic套
睇嚟真係要努力讀書 再期望股市升多啲
跟住喺咁靚嘅地方住同埋做嘢
 

痛心疾首!

「痛心疾首」

強烈譴責當局網絡封鎖flickr

為flickr、xanga、維基百科、GoogleVideo等優秀網站默哀
 

 
六月 -藍亦邦
 
別 恨自己生於這悲情世代
怎麼永垂不朽
轉眼亦以不再
像 六月天空都會忽然飛霜
把它當 美景仔細慢嘗
 
慘 偏偏醉人漂亮
偏偏嘆為觀止
哀傷偏要是 最博得俗世贊賞
淚光閃得明亮
亦可教人欣賞
勝過自彈自唱
 
我對天 高聲一再呼喊
從無回覆一下
也許它根本當凡人是個笑話
淚滴變成飛花
人們無需念挂
愛不到我就算吧
難道你們都感到害怕
 
想 天天笑容燦爛
可惜世情冷酷
當中喜與怒樂與哀未到我揀
萬種悲歡離合
逐一化為灰燼
連同白雪花遍地彌漫
 
我對天 高聲一再呼喊
從無回覆一下
也許它根本當凡人是個笑話
淚滴變成飛花
人們無需念挂
抱不起我亦能抱著雪花
我也想今生不再哭泣
樣樣事都不怕
也許先要把最殘酷視作笑話
淚亦變成飛花
人們無需驚訝
再多悲壯亦能笑一笑吧
唯愿我從此不再害怕
 
 
究竟藍亦邦這首《六月》記錄著六月甚麼的哀傷、無奈、恐慌、悲壯,和甚麼樣的悲情世代呢?
是18年前的六月的悲情時代嗎?
 

繼續更新
 
其實flickr早就有18年前同埋呢18年嚟維園燭光晚會嘅相
所以好多人認為係同六月一日廈門大遊行有關
不過tvb冇鬼用 拍唔到啲乜 最後買咗NHK啲片嚟播 所以news.tvb.com冇得重溫
 
話說flickr.com 官方登咗以下呢段嘢:

相關網站:
 
跟住發現呢個網站http://news.mydrivers.com/1/84/84860.htm有條變態佬寫篇變態嘢出嚟
呢段尤其核凸:
作为全球最大图片在线存储网站,服务器在美国的Flickr明显存在色情、误导等不良信息,与我们和谐的社会环境格格不入,此次遭遇访问故障并不值得大惊小怪,Flickr“访问故障”不仅维护社会和谐,而且能够帮助国内图片存储网站发展,促进中国互联网发展进程,提高中国互联网精神文明水平,为迎接2008年奥运会做好准备。
 
当然,我们同样支持国内的付费Flickr用户向美国消费者安全保障协会投诉或进行法律诉讼,要求Flickr就服务违约问题进行赔偿。
 
最諷刺係 呢個變態佬仲將13億中國人敬重的國旗post上去
簡直褻瀆我們的國旗

 
大家覺得這樣就是「和諧社會」嗎?
這是你想要的「和諧社會」嗎?
如果中國嘅互聯網發展 要靠呢啲卑鄙手段嚟促進
咁我覺得身為中國互聯網用戶 係我嘅恥辱
我唔用校園網嘅原因 係因為我8成網站都係外國網 好少上大陸網站
難道呢個係我嘅錯嗎?難道是我崇洋媚外嗎?
你大陸網站做得好 我自然會上啦 使乜你咁促進啊?
係,你咁確實促進咗我用一個抄flickr抄到十足嘅相冊 用住先
不過你放心 我一定會用翻國外嘅相冊嘅
 
細細個阿媽教落 做過就要認
小學語文書都有講 列寧是個誠實的好孩子啦
有做過點解要怕認啊
有道理 仲要理直氣壯咁認
除非……
 
正所謂魔高一尺 道高一丈
除咗用解封軟件之外
聰明的中國人 總會在皇帝之下找到自己合適的生存方式
flickr圖片臨時解封方法 http://talk.blogbus.com/logs/5719180.html
 

More!官方網站正式開通!morethemagazine.com

辛苦咗幾晚,終於搞掂咗More!個官方網站。
嗱,上面呢個就係預覽圖喇。
冇錯,我冇咁高超技術整動態網站。同樣地冇咁高超技術修改啲skin。
所以兜咗好多彎路,先整到一個大老闆滿意嘅出嚟。
不過都係為咗件事好啫。
 
支持我哋本雜誌,支持我哋個網站。
我哋會有好多好多更新。敬請期待!!!
可以唔使註冊都可以留言嘎。不過大家最好留低你哋自己blog嘅地址。
 

 

p.s 剪咗頭髮。都係天河北SO’O
有人話「都可以」。
 
p.ss.今日(應該係6月2號)香港早晨陳鐵彪做VO,央視朝聞天下晨早新聞羅京做主播。果然大鑊嘢。
 
 
 
%d bloggers like this: