寒假·見·聞

 
對我嚟講只有短短十幾日嘅假期就快結束喇。突然間想寫啲嘢,總結下我最近的所見所聞。
1.電影《盛夏光年》
2.林海峰《是但噏踎低噴飯》
3.電影《心中有鬼》
4.電影《門徒》
5.日劇《東京塔》
6.廣播劇《突然獨身》

 
  首先講下電影《盛夏光年》
  知道呢齣戲都幾耐下,由戲中三位主角上《康熙來了》之後就知道有呢部電影,然後到傳媒大肆報道《盛夏光年》入圍南韓釜山影展競賽單元,再到男主角張睿家拿台灣金馬獎最佳新人獎。
 
  其實故事不算有太多新意,兩個男主角,一個是校隊的優秀種子,另一個就只喜愛讀書——品學兼優又文靜的康正行(張睿家飾),中學開始就一直暗戀好兄弟,籃球校隊隊長余守恆(張孝全飾),在正行與守恆之間事必要出現一個纏繞于佢哋之間嘅女仔——彗嘉(楊淇飾)。故事唔算有咩新意,不過平凡就更加考起導演。
 
  台灣電影就經常係咁,睇完之後想睇多次理順關係。因爲我睇完之後就有咁嘅反應——冇喇?成齣戲嘅主題就係「唔可以畀佢知道我中意佢」,加上校園背景,令好多人可以對號入座,自我角色代入。
  最後睇咗冇預期咁好,不過都值得推薦,感覺上成齣戲都好靚,好似拍緊MV咁。即係台灣式,每次唱K都嫌長得滯梁靜茹嗰種。不過床戲部分,就冇《康熙》上面講到咁激喇,仲好似有d多餘,完全係為咗表達佢哋「有做過」而拍咁。最後ENDING無啦啦開車去海邊「攤牌」,顯得個海有d多餘。
 
  不過「康正行」係唔錯,呢個已經係值得去睇嘅理由。
 


 
  跟住講下林海峰個TALK SHOW《是但噏踎低噴飯》。林海峰第二場TALK SHOW,承接05年嘅《是但噏發花癲》。呢個talkshow確實句句到肉,將05年香港發生在你身邊的事串起身。相信你都會記得「《百萬富翁》重播魔警徐步高」、「日日食雞嘅陳太做咗世衛總幹事」、「Cable冇咗英超轉播權」、「志雲飯局」、「何俊仁被扑濕」、「大陸孕婦生個香港仔」等等等等。又會講到或者你都做過嘅「寫blog」、「懶音」、「蒲」……
  仲有值得一提嘅就係最後「超低能,勁搞笑」,可愛教主排隊食壽司嗰part,擺翻喺廣州同樣適用。通街初中生「狀元坊」式嘅打扮(相當於香港「MK人」),滿口懶音。如果你留心,喺身邊可能會成日聼到:「『OR』係『趕』州人,中『葛』人,『OR』成日去香『趕』買嘢。」(我,正音"ngo5";廣,正音gwong2;港,正音gong2;國,正音gwok3。)
  阿Jan真係好犀利,一個人talk足兩個鐘。搞笑背後係一份堅持,值得我哋年青人學習。
 
 
附上ENDING改編《勁歌金曲》嘅歌詞:
買餸 最驚孔雀石綠 食咗有毒魚頭
行氣活血不過就會嘔
 
要合併 就買地鐵 股價實有得升
減價好難頂 加價畀人炳
 
360 昂平有360
郁郁吓會停咗 自由行繼續坐
 
全靠栢芝的勇氣 愛是最大權利
睇吓霆鋒幾偉大 秘密去結婚瞞埋屋企
唔會有拉姑撐你 婚姻點算係完美
但你睇下四哥 闊佬都懶理
 
通處亦禁煙 沒得chur你仲掂唔掂
成棚立法會議員 反吸煙 唔戒煙點去食店
 
人民幣 係最威
就算冇咗港紙 消費冇問題
 
買嘢又唔貴 應該多消費
香港最抵 零團費
我態度唔曳 陪住你睇
一蚊冇賺過 死畀你睇
 
自訂I Love You 投牌求其就百四萬
紅顏知己三千幾個 送禮佢邊有得慳
 
我說過我有壓力 望阿叔教教我點解決
巴士嘅問題 仍然未解決
 
斷背山 李安攞奬佢係唔係最勁
其實我 就覺得伊莎貝拉 培達至勁
但城城 但城城佢話有 父子
 
有對軟硬在紅館 唱到氣絕未回本
全憑人人認購 買我嘅T-Shirt幾款 來籌款
 
澳門賭場 新開嘅星際
請咗偉仔 兼職叠馬仔
 
魔鬼警察好狼 殺兩個同事搶走配槍
逐格重播 百萬富翁嘅Rating緊加高漲
 
去泰國 Woo… 大家都找不到他信
嘆世界踎喺香港 買一堆手信
 
西甲意甲照舊 英超歐聯唔埋堆
有線冇做英超點睇佢
個個轉曬Now Keyman佢又想去
 
邊個大佬 扑濕俊仁
扑到右眼凸 扑鑊然後食老麥
 
外國啲雞 震震震 即刻通知 總幹事
佢叫雞珍 去咗世衛 應該會吔晒啲雞
 
其實林狗 唔係唔抖
係要賺一筆搵夠就遊埠
成日唔抖 全為層樓
一家四口都要靠我糊口
就算你笑我超低能 兼勁搞笑
我踎低時多得你肯笑

 
  情人節當晚去咗睇《心中有鬼》,有Leon更加不容錯過。上一次睇戲睇咗片花就話一定要睇呢齣電影。不過最後確實有d失望,劇情起伏不大,中國式的鬼片但一d都唔恐怖。呢個雖然係我第一次過嘅情人節,不過係我第二次情人節睇Leon嘅電影,初中嘅一次情人節畀媽咪拉我去睇黎明同王菲嘅《大城小事》。我覺得《心中有鬼》同《大城小事》差唔多,都係好平淡,都有描寫或者通過回憶描寫以前大上海嘅生活,兩部電影都要睇多次回味多次。
 
 


  《門徒》之前已經寫過,唔想再重復。吳彥祖對這類型角色仿佛已經駕輕就熟,冇好大突破的空間。不過佢見到女主角過咗身之後屍體爬滿老鼠,這一幕之後的驚恐,表現得不錯。電影將此事聲音和畫面分開,只有吳彥祖的表情,周圍靜音,不過都可以感受到佢想嗌出嚟而且好無助嘅心情。
  劉德華講毒品嗰part,其實對於好多嘢多係成立嘅。我又冇做promote,係d道友自己衰自己要吸毒之嘛,我冇錯喎,鬼叫佢哋買咩。個中道理,我唔識表達,自己思考下啦。
  究竟係毒品恐怖,定係空虛恐怖呢?我嘅答案係,你空虛米去跳樓咯,寧願跳樓都唔好吸毒,累人累物累街坊。
 
 

 
  日劇《東京塔》,係我假期唯一認真煲嘅一齣劇。睇咗黛玉個blog promote,話第一集已經睇到佢喊晒。因爲太耐冇睇日劇,所以就down咗落嚟睇。點知,出事喇。我好少會因爲睇嘢而落淚,不過睇咗第一集,我就已經眼濕濕。
  故事就係描述主角與母親的故事,由年幼到成長,到母親患CANCER死去。看似平淡,不過又係「角色代入」。因爲你同我都會或多或少覺得媽媽有時好煩;又會在病倒的時候有媽媽在身邊的照顧;剛剛離家,用錢沒有節制;迷茫然後頽廢;來到大城市,又會怕家裏的媽媽讓你丟臉……
 
  簡簡單單的故事,原著小説熱賣後改編成電視劇。日本正在連載,所以我都係同步down,有排追。男主角係速水直道,22嵗,被譽爲新一代少女殺手,同木村托哉對撼。
  值得推薦。
 
 

 
  《突然獨身》改編成廣播劇。Linus把聲同我本身諗嘅差唔多,細路仔咁。不過Jason把聲就好大出入喇,邊有咁姣嘎,雖然佢係爛滾,但把聲太嗲,想象唔到係「成熟、著起西裝似Barbie個男友阿Ken」嗰type。
  另外,由7年改咗做4年,不知為何,也不太make sense。
  最後評語,都係唔夠預期好。
 

  假期就要結束了。最後幾日,冇復習,感覺空虛頽廢。不過今個寒假頽廢感減小,原因係乖乖地上咗口譯課。不過確實要堅持練習先得。開課後繼續練,嗯!
  不過同時有d遺憾,冇見到大家。家姐話「今次翻嚟見唔到你,下次一定要見!」;成成話「又見唔到」;樂樂話「除褲!你究竟嚟唔嚟嘎?」……
  同時,今年過年過得好開心,除咗利是都幾豐收之外,仲有祖廟and長隆。
  林一峰出新碟《思·生活》,其中《與你共枕》好簡單好溫馨。
 
 

 
  面對淩亂的房間,星期五晚就要大遷徙回校了。

 

 

 

Advertisements

About William Lo
http://willylo-cu09.spaces.live.com/

24 Responses to 寒假·見·聞

  1. snow says:

    几充实啊~
    ps:你间房,正真乱既地方都无放上来~^_^~

    Like

  2. Ming says:

    劲爱林海峰..迷上软硬!!

    Like

  3. Ming says:

    劲爱林海峰..迷上软硬!!

    Like

  4. Lydia says:

    哇!!呢個系我見過最長嘅更新!!!
    好想睇林海峰啊,淨繫睇果首勁歌金曲就笑死 xDDD
    請問網上有得down嗎??
    盛夏光年嘅意境好正~~

    Like

  5. A says:

    假期睇完一集tokyo tower马上转去睇heroes… 要平复下…  

    Like

  6. William says:

     
    to Snow: 咁你就米拆穿我啦 我間房亂係出咗名 同你上次嚟差唔多
     
    to Ming: 軟硬就一般 不過真係好佩服林狗
     
    to Lydia: 有得down啊 上d論壇用bt down 或者上youtube睇咯
     
    to 柒目杉:咁我又未至於要平復下 後面都冇喊喇
     
     

    Like

  7. exolo says:

     
    我抽咗三個放喺我個 space 啊..
    你應該唔會 mind 啩..
    隻 dvd 都係幾拾蚊啫, 得閒落hkg買囉..
     

    Like

  8. Unknown says:

    有电脑就是窜!!!!

    Like

  9. 凌茹 says:

    睇过《门徒》,唔错啊。。。
    张静初D演技真系好唔错啊。。。好似鬼啊距块面。
    不过毒瘾发作演得好好啊,似到十足,好恐怖。
    距死左之后D老鼠爬晒上去距身过场真系好核突~~~

    Like

  10. 凌茹 says:

    睇过《门徒》,唔错啊。。。
    张静初D演技真系好唔错啊。。。好似鬼啊距块面。
    不过毒瘾发作演得好好啊,似到十足,好恐怖。
    距死左之后D老鼠爬晒上去距身过场真系好核突~~~

    Like

  11. Min says:

    借话房乱系度自拍,………….OU……..
     
    你睇盛夏睇到流口水啦一定
     

    Like

  12. Unknown says:

    盛夏出野~~简直唔知看出乜~~~~~~~~劲多多余野,又5交代清楚究竟点~~
    有乜理由余和康ML后,康会退缩啊?!
    又有乜理由有gf后余还要和康ML啊?!
    简直乱得一塌糊涂,再次打击我看艺术片的热情。本来就无咩热情噶啦!!!

    Like

  13. Unknown says:

    盛夏出野~~简直唔知看出乜~~~~~~~~劲多多余野,又5交代清楚究竟点~~
    有乜理由余和康ML后,康会退缩啊?!
    又有乜理由有gf后余还要和康ML啊?!
    简直乱得一塌糊涂,再次打击我看艺术片的热情。本来就无咩热情噶啦!!!

    Like

  14. Unknown says:

    盛夏出野~~简直唔知看出乜~~~~~~~~劲多多余野,又5交代清楚究竟点~~
    有乜理由余和康ML后,康会退缩啊?!
    又有乜理由有gf后余还要和康ML啊?!
    简直乱得一塌糊涂,再次打击我看艺术片的热情。本来就无咩热情噶啦!!!

    Like

  15. azimhouse says:

    放假我都睇左『盛夏光年』同『門徒』,可以講兩出戲俾我噶震撼都5細.
    『盛夏光年』話俾我知兄弟之情原來系可以變成愛情.不過系現實過程中好似冇呢D事情發生.所以覺得好唯美.
    『門徒』俾我見到一個真繫好現實噶世界,不過唯一噶缺點就系,我個人覺得古天楽系呢出戲噶演技就真系未到位囖,好似過左D.
      好似寫影評甘…亂吹咋.
    PS.原來你都有玩琴咖???我都系,不過玩開鋼琴~~
       

    Like

  16. Nicole says:

    我觉得门徒好正!张静初死得甘得人惊,睇完都无正常人敢吸毒啦~古天乐个角色好成功,演得几好,够猥琐~
    东京塔我都有睇~正!

    Like

  17. Nicole says:

    我觉得门徒好正!张静初死得甘得人惊,睇完都无正常人敢吸毒啦~古天乐个角色好成功,演得几好,够猥琐~
    东京塔我都有睇~正!

    Like

  18. daniel says:

    最近大家都在看盛夏光年~

    Like

  19. winson says:

    对于《盛夏光年》,我觉得和你有同感,看完个结局,还不知道是什么意思,但是再repeat一次结局,又好象明白了一些,真是神奇!!我都觉得成出戏的景色拍得好靓,同时带出纯真朴实的感觉!!故事确实是无咩新意思,但是正如你所讲:平凡就更加考起導演。Ps:纠正你一点,康正行不是中学就中意余守恆,应该小学就已经开始噶拉!!

    Like

  20. William says:

    回復下留言先 累積咗太多
     
    好多人都講咗《盛夏光年》
    我留意咗好耐 而唔係人哋睇我先睇
     
    to Hanzen:
    我都覺得咁樣好慘 不過藝術片就係咁樣嘎啦
    我覺得呢個慘過《藍宇》 死咗都冇呢個咁慘 唔知想點咁 冇結局
    sex嗰part我覺得emotionally and technically都唔make sense
     
    to sicksick:我冇睇到流口水
    你問我結局最後嗰句對白係咩意思 我覺得係:
    根據我的理解 好朋友好多時候係唔可以失去對方又不會把對方當成lover 好似比lover更高級的「好朋友」
     

    Like

  21. 小O says:

    tokyo tower我也有看...哈哈~速水頭次演戀母狂

    Like

  22. fiona says:

    好野,终于看到呢个MV了

    Like

  23. fiona says:

    好野,终于看到呢个MV了

    Like

  24. fiona says:

    好野,终于看到呢个MV了

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: