快樂的窮孩子

  下午被giby呃咗出廣州,因爲佢唔想同sm、鄭偉傑and阿濤一齊食jusco嘅壽司。於是,味千拉麵之後,一齊行街。Shopping嘅時候,大家都發同一個夢——「如果以後買衫唔使睇價錢,中意邊件就買邊件,就好喇……」我們這些窮孩子看見了bambini特價tee,RMB99for2,於是,四個人一人一件。
 
  最後,我們一行五人去了一個富人的地方——蕉葉。蕉葉d嘢真係好貴,五個人點咗四個餸:咖喱雜菜、咖喱蝦、豬頸肉、芒果雞,然後8碗白飯。茶位5蚊一位,白飯5蚊一碗,啊。點解仲叫咁多白飯,因爲咖喱汁好味咯,唔食盡d,米唔抵咯。今日,我哋五個人慳住慳住咁點餸,然後AA制,臺面唔係太多嘢,而其它臺可能好豪咁點到成臺餸,有人請,並且見到我哋可能會感嘆一句「可憐的窮孩子」。不過,今日我哋食得好開心。
 
  其實我們已經比別人多了很多機會,條件也優越很多,或者在嗰d點到成台都係餸嘅人的眼中,我們是窮孩子,但是,我們是快樂的。或者其它人即使有人請,不過食得唔開心咯。到第日,賺到錢,可以好豪咁嚟呢度食嘢,不過嗰陣可能會好回味今晚,記住以前學生年代扮小資時候嘅開心,同埋對比以後接觸到現實社會後的無奈。
 

 


終于攞到giby影嘅相喇

順便引用埋佢嘅文字啦,我懶

 

 

 
 
 
 
 
 
                蕉葉就係高卡,
 
                 有錢要等位,
    我哋呢班low-income都要等位
 
 
 
 

 

 
嗱!呢d就叫分甘同味!
8蚊一小碟芒果布丁。
五個人分!
不過,心裡甜滋滋!
 
 
 
 
五蚊一個白飯…你話…奢侈冇?
 
 
 
 
不過呢餐蕉葉確實好開心!
真係好開心!
可能日後會好窮,可能日後買嘢食飯唔使睇價格。
但係呢種,好珍惜美食,好珍惜所擁有那僅有嘅嘢嘅時候,真係好開心!

Advertisements

社聯風采 社聯好嘢!

mini話,社聯風采晚會係社聯呢一年嚟最後一個大show,希望我哋每個人都可以參加,並且留低最後影一張大合照,有個好嘅開始,並且有個好嘅Ending。
 
正因爲mini呢句,我就喺滂沱大雨嘅時候,從佛山飛翻廣州喇。喺校巴上見到瓜瓜同010,然後發現好多人都係向著新學活進發,突然,以前有小小嗰種晚會feel。開show之前,公關部唔使擔擔擡擡,維持下秩序派下傳單,派下雞(口哨),幾過癮。我同瓜瓜都冇食晚飯啊,開show前就急急腳咁去超市買咗d餅乾同麵包喇。不過,眼濶肚窄,算啦,留低做儲備。開show喇,其實個晚會冇乜特別,不過我當然有留意mini姐領舞嘅《愛你》啦,雖然之前已經睇過。
 
最好玩當然係show後合照嘅時刻啦。瓜瓜再次喺大合照嘅時候跣低,上次表彰大會已經試過一次,哈哈哈。凱文師姐就快去UK,蔡曉就簡單咁整咗個farewell環節。
 
最最最期待嘅就係公關部一齊去食宵夜喇,雖然遠遠不夠人。潮州大排檔,啤酒,玩真心話and大話骰。嘉烽同mini兩個邪惡嘅部長專門問d尖銳嘅問題嚄,不過都ok啦,我應負到。想當年,mini玩大話骰慘敗於我同瓜瓜、漢釗手下。於是,今晚嘉烽話要報仇嚄,一個挑三個。不過最後好似都係佢輸多d嚄。仲有啊,mini姐仲死咁唱我,幫我賣徵婚廣告,救命!最後,一點幾,唔係飲咗好多,翻到宿舍,沖完涼,仲要上咗陣網,搞到頭痛。
 
第二日,11點起身,宿舍冇電啊!!!又趕唔切翻屋企lunch嚄。於是,去龍口西so’o剪頭髮。but jerry唔似陳柏林!宿舍到晚上先有翻電,好彩,因爲呢個時候,我已經翻咗屋企好耐喇。
 

回想呢一年。想當初,我好想好想入到社聯,最後都如我所願,不過就係某程度上走後門。所以,我好驚。不過,後來發現每位部長都好好人,同埋社聯確實擴大咗我喺華農入面嘅人際網絡。嘉烽同mini,兩位好好笑好玩得,唔知道幾時開始就熟絡咗。欣瑜好有責任心,010好專業,佢哋都好細心。同事方面,特別講下瓜瓜。佢做乜都好努力嚄,包括我成日吞pop嘅商家活動,佢都跟到足。談談情跳跳舞社聯聯誼同佢拍檔主持啦,之後唱k燒烤都有我哋份嚄。上次去廣葯借嘢,仲叫埋廣外大的giby and sicksick。
 
而我呢一年,做過d咩呢?首先好似係興業銀行咖啡貓信用卡啦,整理其他學校嘅聯係資料,談談情跳跳舞社聯聯誼,古巨基華農歌迷見面會,同mini去廣東電台睇玉燕比賽啦,表彰大會,華南植物園燒烤,拉寳礦力的贊助,尋標賽,最後就係風采晚會。
 
下個學期,社聯換屆,無論去留與否,我都好珍惜呢個組織,真係學到嘢,而且真係好開心,因爲識到d朋友。
 
updated at 1:05AM May 30 2006
好多嘢想寫,不過真係唔知點寫。草草結束先,有機會有feel再更新。

 
 

照片點擊放大    

 

那個有文化長廊的地方

DV截圖追加完成
進入My Flickr! Photo放大圖

2002年12月「回到非洲」製作特輯

 

 
 

2003年10月14日 校慶非洲舞彩排花絮

2003年10月「斯文的定義」短片

2003年10月「十年校慶」旅遊特輯

2003年10月18日「十年校慶·SHOW前SHOW後」

  最近,仿佛大家都在挂念那個有文化長廊的地方。可能是廣州進入了雨季,又可能是快到了分別一週年紀念。大一的第二個學期,期末將至,大家是否被一個又一個的組織,一個又一個的活動壓倒喘不到氣呢?在極度疲倦投降睡覺之時,是否有想起那座鐘樓,那條文化長廊,那個風雨球場,冷氣冷得像冰箱一樣的高三課室,祇穿著底褲串房的男生宿舍,還有天鵝湖畔的「平沙國際大酒店」。
 
  可能生活在「廣外」這個名字下的時間比在「華農」下的時間多,廣外大的班風比賽也似乎變得與我有關。這個周末到Giby家中幫手弄一些他們廣外大商英班風比賽的DV(雖然沒有幫到甚麽)。但我也有我的收穫——偷了4盒以前的DV帶。那個03年元旦的非洲舞、那個十年校慶、那個春哥生日會的記憶一定不會消退,但某些畫面或是片斷已有些許模糊。這幾盒DV帶正好在這個大家都挂念文化長廊的雨季重現。原來姜悅在鏡頭前好talk得,原來以前的自己拿著個mic喋喋不休很煩,原來非洲舞化妝的時候我不斷胸襲王一樂,原來Giby不斷repeat話黎智立靚仔,原來黎智立自封「香港小姐」……
 
  看見躍進南的彩虹,又會想起畢業那一天的雨後彩虹,然後又在網上同Dannie緬懷以下過去。以前,每個人都好出色,每個人都很有才華,祇是沒有時間去完成那時一個又一個古怪的想法。到現在,有時間了,才發現,已經沒有了那種環境和氣氛。一直很羡慕Giby的IB5。看了《IB5到來》這首班歌的MV,有幾分感動。我同Sicksick講,不要去羡慕別人的際遇,相信自己係得嘅。嗯,其實我的際遇也很好,ES的所有人給了我很多,SUNSHINE@05Eng.5(個名有d長)也是很好的際遇。
 
  見到黛玉的網誌說到「有甚麽樣的班長就有甚麽樣的班級」。「班風比賽」好像我們華農外院都有搞過,只不過我在presentation前一日才知道。可能氣氛不同文化不同,這裡沒有廣外大商英的班風比賽那麽重要。不過,「班風」又係另外一回事。雖然我只是小小的文娛委員,不過我看了黛玉嗰句話依然有些慚愧。這個學期,我好像在合唱比賽中非常賣力之外,我們班參加學院的比賽我都好少過問,成日挂住出去或者係翻屋企。
 
  嗯,舊年曾經提議挂拍賀年MV,不如暑假前拍翻個夏日陽光特輯MV。各位SUNSHINE@05Eng.5的成員,覺得如何?
 

DV片斷即將上傳上cu09.com
更加期待

FRESHMAN快一年@紀念日

  2006年5月16日,對於我嚟講,唔係咩紀念日。不過對於我哋嘅父輩或者係祖父輩,四十年前嘅今日,開始咗一樣影響佢哋一生嘅運動。1966年5月16日,516通知嘅發佈,標誌著文化大革命嘅開始。我並唔係要紀念d乜嘢,然後再批判一番。只不過,期末將至,我突然間諗到d嘢。嗰個年代嘅人,或者係嗰個嘅後生仔,係做緊d乜,諗緊d乜。
  freshman呢一年即將結束,學校嘅各個組織紛紛換屆。回想呢一年,總是覺得可以用一個字來概括——。渾渾噩噩咁,大一就咁樣子過去。林林種種嘅學生組織,你又參加咗幾多個呢?參加呢d學生組織,你又有咩收穫呢?最後,發現收穫不少,不過亦都唔多。
  現時,每日都係上網上網上網。究竟,呢個係點樣嘅生活?!
  大學開學前,自己仲寫過一篇關於大學生嘅網誌(link)
  對比今天的大學生與過去的大學生,有時會覺得年代不同了。解放前的大學生背負著救國的擔子;解放後的大學生站起來,為建設新中國而奮鬥;民革時的大學生被誤會但沒有被擊垮;八十年代的大學生爲著民主自由的理想而走上街頭。以前的大學生都是有理想有抱負有愛國熱情有使命感的年青人,為國家為理想奮鬥。現在的大學生呢?
  呢個問題,我想有個正面嘅答案,不過,現在期末將至,發現自己的答案與人無異。不幸地,自己成爲了汎濫的一員。莫非呢四年就係為咗混張沙紙?突然間有人同我講,其實好多人都係唔敢踏出第一步,所以渾渾噩噩咁度過咗呢四年。其實當時嚟咗呢度,我幻想咁樣可以激發自己嘅小宇宙,不過可惜,so far,冇!
  1966年,我Daddy啱啱讀小學冇耐,隨後嗰十年,好難想象佢哋係點度過嘅。1976年,經過咗嗰十年,突然間否定曬之前嘅一切,落差就更加大。終於,佢哋捱到中年捱大我哋呢班顧著玩樂、追求物質嘅化骨龍
  輪到我哋呢個時代喇。好,努力學習!


2006-05-17
  颱風珍珠遠離珠三角,不過風勢依然好大。躍進南宿舍突然出現彩虹。各位SCAU的朋友,快過嚟睇!
  而各位ESer,特別係99ers,大家會否記得畢業禮當晚嘅雨後彩虹呢?
躍進南的彩虹 vs ES的彩虹
check it out!
點擊放大

BR大逃殺Ⅲ之華農大停電


  報紙都有賣,昨日廣州暴雨傾城,華農大停電!

  由下午三點幾左右,天河五山開始落狗屎。正所謂「行雷閃電會出事」,呢個時候,躍進南區已經係橫風橫雨,天空昏黃一片,仲有好多粉紅色嘅閃電,連行出陽台影相都好驚。點知閃閃下宿舍嘅燈同電腦就突然一閃,噢,停電。走廊外面嘅應急燈全部著曬。

  與此同時,學校東區因爲停電停課,各位勤奮冇逃「計算機基礎」嘅同學冒著暴雨翻到宿舍。据了解,東區連接躍進南嘅一段「華農快速幹綫」交通陷於癱瘓,平時嘅泥路加上雨水後令整個路面變成沼澤一片。大家翻到宿舍後已經變成落湯鷄鴨。本來想沖下涼,點知發現冇水!!!因爲停電嘅關係,水泵抽唔到水,宿舍竟然冇凍水,洗手只可以用熱水。

  天開始黑喇,不過依然冇電嚄。大家陷入恐慌之中(其實我自己最恐慌)。隔離宿舍竟然將走廊嘅應急燈偷入房,開賭檔打牌!隔離「六嬸三太公」,我哋房依然漆黑一片。威利同學此時越來越不安,好似電影情節「BR大逃殺」嘅前奏咁。莫非呢個係一個陰謀?莫非真係嚟個第三集?停電搞到大學生暴動?自細怕黑嘅我越諗越驚,煲咗幾輪粥之後仲冇電嚄,所以作出一個驚世決定——出去行街,特別鳴謝KiKi Ng小姐陪同。擔住支電筒落樓,然後上車,連78路車上面都係黑嘛嘛嘎,恐怖。7:59PM,部車就快到達天河城嘅時候,收到短訊——「有電喇」。去購書中心買咗本法文參考書再去jusco買d嘢食,翻宿舍。

  有d後悔冇打電話去南都報料,如果唔係今日頭條就可能係咁,哈哈。大家可以上網睇翻今日報紙原版http://www.nanfangdaily.com.cn/southnews/pdf/ds/20060511/A01.pdf

一步一生?

時間開始於2006-2-19 21:11:58
翻查msn的交談記錄 就在這時候開始
當時我宿舍仲上緊56k、宿舍仲會斷電
 
你是我的幸運星
迪士尼雖然只是一個lable
不過有人約我去 so sweet
 
每天起床鬧鐘都有你的照片
讓我覺得每天都是新的一天
 
3月5號 到現在 5月9號淩晨
時間過得好快
 
唔知點解 今晚見到你話唱《一步一生》會唱到喊嘅時候
我突然覺得好down
甚麽「曾經期望我 前程和戀愛 甚麽都擁有」
我真的不知道怎樣回答
自己repeat又再repeat呢首歌 越聼就越down
我哋都冇嘈交 做乜要突然feel sad嚄
 
你話
  「世界上没有永恒的爱情
   到最后,陪伴自己的,还是自己一个
   自己永远是最忠实的FANS
   它不会因为任何的事情而离开你的
   忠实自己是最好的感觉!
   爱没有,恨没有,抓不来,也甩不掉」
ok 我信
我信現在開心就得
起碼我覺得從2月19號到現在
同你一齊
我開心
嗯 咁就夠
我不知道怎樣才算「學會保護自己」
我真的不知道
 
而你 搞到我今晚心情同你一樣down
不過 你嘅一句「傻仔」就馬上tum得翻我
 
ok
不要想太多
聼日大家都要開心翻
 

一步一生 作曲、編曲、監製:伍樂成 填詞:林夕 主唱:許志安
童年是誰伴我走
挽我的手
望我踏上天梯
不可退後
曾經期望著我 前程和戀愛 甚麽都擁有
#沿途就算跌要跌得好看
才能不自責報答別人厚望
然而誰明白我沒你們所想的堅壯
我很想找個人對我說別怯慌
回顧中仿佛一步一生
每一級一世都難忘如何吸引
曾碰上每個過路人跟我漸行漸遠
懸涯上我始終都企穩
誰伴我去走一步一生
每一位一個不留神
不再熱吻
還有沒有人令我驚險又興奮
願我能提示我我這一雙腳別震

「翻滾」黃金週

  2006年的五一黃金週,確實精彩。4月29號下午已經翻屋企,5月8號下午先翻學校,放足9日。而其中的1號至7號,我每日都有或多或少的時間在廣州度過,不過,大家注意,我屋企唔喺廣州,而係佛山。
 



May 1st 2006
 
  黃金週開始,全個大家族又試進行無聊的「自駕省内遊」。今次選擇極其無聊的佛山市南海區九江鎮一個叫做「鷺鳥天堂」的地方。finally,見到好大隻嘅鷺鳥,不過點解係「天堂」我就唔多清楚,我唔覺得從質量以及數量上可以達到「天堂」級數。不過令我印象深刻嘅係個廁所。同往年一樣,去完一個地方就食翻一大餐,大魚大肉,有雞有蝦。下午去咗佛山市順德區陳村鎮的花卉世界,不過奇石展嘅門票是在太貴,所以就免票的四老兩小入去睇,其他人就在外面齋等。等等下,頓覺無聊,大家又討論去邊度食飯,最後確定廣州市荔灣區(原來的芳村區)的鵝公村。就係咁,第一日毫無計劃咁就同廣州有接觸。
  令人氣憤的是,我被騙啊!!!啲frd嚄,我成功咁做咗愛人丘比特,不過就馬上反轉頭兩條友齊齊玩我。傷心啊,傷心到我在停車場大叫!不過,成功做到愛神丘比特,都好開心,同時又有幾分感動嚄。

 


May 2nd 2006
 
  大夥兒去南崐山,我當然冇咁蠢跟埋去啦,瞓到好遲,lunch之後就去廣州喇。爲了完成我偉大使命,我從天河城花咗一個鐘頭時間逼巴士翻宿舍,拿Windows的安裝碟以及我自己的軟件雜錦碟,幫Giby裝電腦。
  晚上同Giby、SickSick、劉婧豬去咗pizza hut & starbucks聚餐、飲嘢and商量大計。因爲「好世界」嘅Starbucks冇沙发位,所以起程去第度。之後出發去淘金,點知根據劉婧豬的錯誤記憶,行咗好多冤枉路。都係去咗starbucks,最後又轉場去KFC,成晚係冇point出到嚟。而晚上的msn語音混戰,更加嚇親可憐的黛玉
  而「翻滾」呢個詞就喺呢晚誕生嘅。不過正常嘅大家都知道,我同giby一間房,我瞓地下佢瞓床,永遠冇可能「翻滾」。

大家唔好去sicksick度啊,佢好奸詐嘎。明明有Willy會靚d,但佢又話唔好咯,虛僞啦擺明 。

 


May 3rd 2006
 
  落大雨去咗美術館,不過都好玩。等人等到我兩眼放空?冇啊!我冇等到唔耐煩嘎!晚上依然住在giby屋企。

 
 


May 4th 2006
 
  lunch,越來越over的話題。之後,我翻佛山,Giby翻增城。
  


May 5th 2006
 
  期待咗好耐嘅燒烤大聚會。有我、秘書、Giby、BallBall、Leslie、朱西不過啲人燒烤專門燒d無畏嘢,完全忽略咗燒雞翼先係重點。我呢個燒雞翼小王子燒咗好多好多,而且全部燒得好靚。秘書整嘅三文魚十分好,老牛就太老,粟米都ok。
  晚上打麻雀,我好外行。打打下pair牌我就瞓著咗,點知竟然迎來世紀之吻。打牌衝100嘅要抽籤親吻我嘅一個部位。點解永遠都係我做犧牲品。最後「幸運兒」係giby,親吻我的耳仔。
  極之無奈地,我要同giby瞓埋同一張床。仲要成晚聼住Wee Weng Weng Wee Weng Weng嘅「Don’t Touch Me」。我要澄清,I was not going to touch him!!!

 
 


May 6th 2006
 
  按照原定計劃直接從洛溪翻天河join媽咪。算,陪某人翻市橋先,再坐302去天河。陪媽咪and姑姐行街,帶佢哋去下五月花and麗柏。不過計劃再次改變,我,隻身闖東莞!一個鐘頭左右的車程,好快!我對莞城冇乜印象,感覺上東莞確實靚咗。不過,依然覺得呢個係一個暴發的城市,唔夠佛山好。間酒店好靚,好舒服。嗯,原因就唔多講,不過我講咗大話厄媽咪,加拿大的同胞,很抱歉,你再次成爲我借過橋的對象。
 

 


May 7th 2006
 
  東莞–>廣州–>佛山
 
 
May 8th 2006
 
  上學了!黃金週就此結束。我每一日都在廣州度過,如果住廣州,咁就好喇,唔使咁麻煩。不過,咁唔代表我唔中意佛山!