新春特別報道·大年初二

  年初二開年。早上冇乜特別,好遲好遲先起身,然後去離屋企十分鐘車程嘅鄉下。不過,今年終于唔係我最遲,哈哈,有軍姨墊底。中午有d唔同,冇留低食lunch,所以今朝拜年好似露一露面就走,成個大明星咁趕場。既然今日冇咩特別事發生,就送上兩張我今日個look俾大家睇。沖涼房燈光有問題,只能達到如此效果。

 

 
  晚上,當然係指定動作開年飯啦。然後就大夥齊集我屋企,睇大桃花,睇煙花(維港煙花電視直播),跟住就打電話向海外親戚拜年喇。第二站,表弟屋企。食咗好多好多熱氣嘢,仲送水果同糖水,利害!表弟Billy今日翻鄉下仲抄咗副古董眼鏡出嚟。你睇,鐵盒+古董眼鏡布+賻儀無框眼鏡。睇翻條眼鏡布,呢副嘅~嘢應該似係民國年代。
 

 
 
我仲試戴,似末代皇帝賻儀麽?
 

Advertisements

新春特別報道·大年初一

  大年初一,一如往年,好遲好遲起身,打扮一番之後,第一站,拜訪爺爺嫲嘛,逗利是。逗留一會兒之後,就到公公婆婆屋企,再去同舅公食飯。Lunch之後就再翻爺爺度等候嚟拜年的親戚們。都係nothing special嘅新年項目——拜年逗利是
 
 
  不過!不過!今晚有d特別。5家人開車到佛山市南海區同高明區交界的地方,先食飯。食咗好多嘢,而且唔係咁行嘅新年圍餐,有7斤幾嘅燜大鯉魚,兩圍台食都有剩嚄。你睇,幾多鯉魚春。 

 
 
  重點!重點!咁遠水路去當然唔會為咗食餐飯啦(雖然以前試過)。重頭戲,燒煙花!北京、上海等大城市相繼解除十多年的禁止燃放煙花爆竹的禁令,但廣州就越收越近,將禁令擴展到全市(大市,包括下面的縣級市),而佛山就冇乜點變,禪城區都禁咗十幾年。聼咗部車喺滄江邊,佛山南海西樵西岸七星度假村附近停咗部車,已經見到好多人同好多煙花。然後就狂買。舅父好似大細路咁,買咗好多。有傳統的小型煙花之外,仲有大嘢——火箭炮、流星雨。其實拿住咁多煙花在手,都有d心驚,始終係一個炸彈。上個星期嘅《新聞透視》先去江西採訪完爆竹厰,這個又愛又恨的產業。嗰度每人,包括小朋友,都要幫手插爆竹引信,甚至小學用勤工助學的名義圖利叫學生幫手插引信,導致爆炸,42人死亡。有點偏離題目,不過最終我都係安全咁放曬d煙花,好刺激,好好玩。個「流星雨」係點咗之後,十六個大煙花鏈環發炮,全部人要撤離一米之外。大家欣賞下啦,係用Panasonic VS7拍嘎。我哋自己放嘎!

 

 

 

 

 

 

 
  翻到屋企之後,發現棵Queen Size大桃花又靚咗(why not King Size?因爲唔夠舊年嗰棵大,但係又貴好多嚄),鬱金香又開咗d,盆步步高又高咗。Daddy、Mummy都被我感染玩起自戀自拍互拍。都好耐冇影過全家福喇,今晚有靚花同靚衫作伴,yeah!

農曆新年,新春大吉

新年快樂
Happy lunar Chinese New Year
 
恭喜發財
Kung Hei Fat Choi
 
身體健康
Healther next year
 
心想事成
all the dream come true

真係咁似?

性格上?
習慣上?
語氣?
動作?
阿四?
 
唔只一個人講
 
中學同學的大學同學
大學同學的中學同學
 
覺得好神奇
同時好好奇
 
幸會幸會
 
得閒飲茶

省港奇兵(正式版)

確實有點奸詐,霸個位先,製造出我一翻到屋企就update嘅假象。算,我現在才更新。
 
  一月廿三號,0123,襲港,旋風式,少於48小時。我首次用羅湖口岸過關。一行三人,GibyMomoko,住一晚,極速高效率shopping。不過今次除咗shopping之外仲開心,去咗PolyU,見到YvetteMiffySandy,與她們相聚,仲有見到「落難」的秘書。仲可以影到相。
 
  農曆年前去香港,當然睇中香港的瘋狂減價。我的收穫亦不少。我終于換手機喇!Panasonic VS7HK$2200(原裝中文版水貨;香港行貨$2880;廣州行貨¥3410)。然後是Levi’s 501HK$390(香港原價$699,廣州原價¥799)。慳咗成千蚊,將旅費賺翻。
 
  然後說說酒店。今此對酒店非常滿意。位于天后地鐵站A1出口的銅鑼灣海景酒店L’Hotel好靚好舒服,然後價錢比上次美麗華平頗多,廣之旅訂房價錢¥550/晚。重點,酒店隔離有一條好好feel嘅樓梯,好多時候係拍戲場地,半夜三更影咗好多相。
 
  今次並非純粹的shopping之旅,有yvette、miffy、sandy,仲有momoko的一位同樣在PolyU的frd,Fendy。認識了一個新單詞,toletmate。原來在Poly,除咗classmate同roomate之外,仲有toletmate,事關兩閒房公用一個tolet。去咗佢哋宿舍,我仲用咗yvette部laptop更新個space添。
 
  從Poly行去星光大道,吹住海風,好舒服。今次終于去咗星光大道,開咗之後第三次去HK終于去過喇。在一個不算遙遠但又好唔同嘅城市,一班frd,有老朋友,亦都有新相識的,一齊,好開心。
 
  另外一個好奇怪的現象。就係自由人爆英文。我哋喺星光叫人幫手影相,好習慣地用粵語。不過幫我哋影相的同樣係自由人,就用國語講get closer, one, two, three。然後我哋講咗thank you very much之後,就聽到他們用國語。亦有人問路的時候用英文問我哋,但我聽到佢明明係講國語嘎。點解唔用國語要用英文呢?
 
  翻酒店的時候講起叮噹的大結局。叮噹突然冇電,又因爲叮噹冇耳仔,而22世紀嘅機器人後備電池裝在耳仔後面。所以如果幫叮噹換電池就會冇曬同大雄的記憶。最後,大雄發奮,唔換電池,自己整翻好叮噹。大家覺得這個結局好無稽,但這個結局卻會令人哭。
 
  翻廣州途中,講起Barbie公仔同佢ex-BF阿Ken。某人話我知,阿Ken係gay嘅。然後我話翻俾佢知,好似係舊年嘅情人節,我睇新聞,係正式的無綫新聞,報道話阿Ken同Barbie喺情人節正式宣佈分手。越講越覺得無稽。呢兩只公仔,又冇出過漫畫同卡通,純粹係公仔,都竟然會有咁多古仔。
 

 
強烈建議大家瀏覽相冊!
 
 
 
 
 
 
 
 
 
 
 
 
 
 
 
 
 

省港奇兵

霸住個位先
稍候更新

update at PolyU, HK

yesterday, FS to GZ
today, GZ to HK
 
now, i am using Yvette’s laptop at PolyU Hall of Residence
hahaha
 
later, yvette will join us to spend one night at L’Hotel at Causeway Bay
%d bloggers like this: