一些事

  一些事,本來我根本不會在意,不過佛都會有火的時候。騷擾我還要騷擾我的朋友。然後盜用我hotmail,改我密碼,刪曬我啲信。再然後到用我的msn同人講“我好煩”。究竟呢個人有咩居心啊?仔細閲讀佢喺呢幾個blog嘅留言,竟然“懶”了解我哋班d人咁。but anyway,我接受唔到99-1有如此的人,如此敗壞99-1的人。
 
其實自己都應該檢討一下平時嘅爲人,不過唔需要d變態嘅人嚟提醒。究竟我過去在大家心目中的形象如何,無從稽考,亦無法知道。不過我會努力令自己變得好一些。
 
 
  一些事。上星期五去咗黃花崗劇院睇話劇《十三行商人》,唔係我突如其來的興致,而係虎姐請,當然唔係請我啦。見到虎姐真人,感覺好nice好pro。不過冇合照冇簽名。
 
  一些事。上個星期六晚Zinc again。不過當時懶得打字,所以冇更新。大家睇相啦。當晚zinc之後去咗宵夜,突然閒覺得我們長大了,開始做一d大人先會咗嘅嘢,例如去酒吧——雖然我發姣要咗杯雪梨汁,然後係大排檔宵夜。當晚又去giby度寄宿一宵。同Yvette chat online with webcam,她哭了,我又突然好懷念es的生活。好像之前話去學法文咁,想同giby一個班,想再做同學。
 
  一些事。上星期六院運會,雖然拉贊助失敗,但還是成功舉行。我乜都冇報,只負責拍dv,係新生之中唯一有pass嘎(自豪一下)。giby嚟過華農參觀,終于知道點解我要行40分鐘翻學。
  一些事。經過重重面試,入了社聯公關部。不過究竟係我自己有實力入去定係其中一位師姐buy我,所以夾硬整我入去呢?所以我入得唔開心。當作係考驗啦,反正入咗,加油努力。
 
  一些事。學校每個人都好似好忙,成日開會,不過大家都唔知忙咩。帶電腦真係會令人頽廢,我煲tvb劇,煲完一齣又一齣。依然等待上網,可以上網之後應該唔會咁頽。買咗洗衣機喇,全自動,第日就輕鬆喇。

關于刪除變態留言之公告

  近段時間,本人受到極其變態、居心叵測人士騷擾,包括暑期hotmail郵箱被盜,发送的“我愛妳”及“自殺”電郵,以及近期本網(msn space)的變態留言。本人已經感到厭倦以及對此人完全失望,並希望此人盡快在地球上消失,妳跳樓好、割脈好、開石油氣、或是上撞頭埋槍,,以免為禍人間。
 
  本人亦受到威脇,指若然再刪除留言就會遭受直接報復。我的立場依然強硬,一有時間就會檢查留言,若然发现有任何異常,本人定必立即刪除,以免引起混亂。本人愿意与做出以上種種變態行為的人直接對話。
 
  另外,對近日某變態人士冒認並盜用其他人的身份在本網的變態留言若對個位網主造成滋擾,深感無奈與抱歉。
 
p.s感謝Dannie,发現此問題后立即緻電告知

  學校生活好似還是步入正軌。上個星期學院學生會招新,順利地入了外聯部。不過自己確實好衰,外聯同文娛同時走去面試,兩邊都pass咗,搞到兩邊的部長難做…………外聯部就開始有嘢做喇,首先係院運會的贊助,時間好趕哦。文娛部就要籌備話劇參加學校嘅比賽,無奈地竟然冇劇本又超級趕,多得giby肯俾我改編《22樓摩天輪之明日之星》廣播劇,唔知搬上舞臺的效果會如何呢?輔導員唔知點解知道我有DV,叫我帶翻去拍院運會。唔應該太過張揚。

  9號翻過es一次,原因係gz_guanzhi要採訪es的老師,嗰日下午冇課,我帶佢入去唔使pass,方便好多。呢個都算係第一次跟記者去採訪

  11號去了大學城一趟,無奈地佢哋都有課,送完嘢之後傾咗半個鐘就要走喇。不過我都幾開心,雖然妳收到之後的反應我確實有幾分失望。冇話咩辜負唔辜負,生日要開心,唔俾亂諗嘢。早知就留低旁聽啦,因爲最後我都係逃課,冇趕翻去上課,去咗辦理adsl。不過幾日之後的答復是多麽的讓我失望。躍進南宿舍暫時不具備安裝條件。換言之,我上網係遙遙無期的事情。不過今日我都會帶電腦去,上唔到網都可以睇碟!

  闊別7年的《翡翠歌星賀台慶》噚晚終于再次同觀衆見面,作爲台慶月的第一個show,果然冇令觀衆失望。有至愛Nikki同Kenny(新形象,型!),呢兩位我純粹buy佢哋個樣。千嬅無奈地要同鄭中基打對台戯,唱《無賴》嘅時候唱到想喊咁,千嬅,我buy妳!!!7年後只有劉德華一個天王仲陪班後生顛,仲要重復22年前的心口碎大石,幾廿嵗,仲碎嚟做乜………………?

  學校的生活真的要開始喇,加油!

Impression of Shenzhen

呢三日同giby、gucci、leslie去咗深圳,都ok開心啦。對深圳又有咗新嘅印象。
 
[广深交通]
  我哋3日兩晚嘅行程好free。由廣州去深圳,感覺上就好似地鐵轉地鐵再轉地鐵,就可以去到酒店。廣深火車每十五分鐘一班確實方便。
 
 
[frd]
  去到深圳有一位giby的frd琪哥做導遊,佢確實好好人,好nice,同時有d搞笑,特別是介紹香蜜湖同女…………朋友的時候。
 
 
[mall]
  深圳的mall好似比廣州大,有d香港、上海feel,萬象城就好似又一城咁,雖然冇咁大,但有個溜冰場、好多名店………………其實正佳都朝住呢個方向發展。總體來講,還是廣州好。
 
 
[bar]
    去了中信外面一閒叫CRYSTAL嘅bar。好不幸,我哋5個人叫嘅嘢飲都比較難飲。我杯「新加坡司令」味道超怪……………下次去zinc要試其它。
 
 
[東門]
  東門還是老樣子,雜。閒「流綫」竟然冇冷氣,衰過「狀元坊」。
 
 
[truth or dare]
  回到酒店,買了5支金威,勁難飲!有人飲到嘔~~~~雖然最後truth or dare因爲冇人願意去買酒而變成truth and truth,不過我覺得呢晚係最開心的一晚。我真係好好好好好開心!!!
 
 
[粵語or國語?]
  語言係令我最鬱悶的一個問題。衆所周知,深圳是一個移民城市,同時又係廣東省内、毗鄰香港。究竟要講粵語定國語?當我習慣性地講粵語嘅時候,有人聼唔明(我直覺覺得對方係深圳本地人);當我主動講國語嘅時候,d人就用好廣東嘅國語同我對話,好,我專翻用母語。鬱悶啊………………|||琪哥話我哋同齡人、後生仔一般講粵語,而我問咗另外一個深圳frd他話一般行街用粵語,上班用國語,對外用英語(廢話)。
  最後總結,還是母語好!
 
 
[歡樂谷]
  這是行程重點,RMB140的門票有點貴。都玩咗好好玩嘅機動遊戲,ok啦,未玩夠而已。下次還有機會吧………………下次還有迪士尼!  

聚一聚 zinc and the city

  遲咗一日先更新。唉………………國慶實在………………
 
  本來相約去上下九,最後心血來潮就去了zinc,一間我去過、他們經常去的bar。終于見到bar台哥哥,絕對係每人都會中意嗰type。我、giby、小桔三個人聚一聚,好開心啊。大家都開始了新的生活,大學生活。
 
  之後就到正佳的名店門前影相,真係好開心啊!!!當我們每個人都融入新的環境後,又會點呢?唔驚!有事冇事嘅時候聚下,好!
%d bloggers like this: