我的歌,我的路,我的主題曲

  26號同秘書、Jackie、波波去了CEO Neway一聚,同時亦一展歌喉。Jackie好厲害,成首《勁歌金曲》全部唱曬。波波高音絕對犀利。秘書還是秘書,默默地唱。其實好開心,同Jackie、秘書相隔咁耐還是好朋友。畢業之後,大家都應該是這樣。
 
  最感動的是唱的最後一首《心寒》,鄧健宏+鄭中基。其實我聼呢首歌可以聼到喊嘎。
 
  因爲唱完K,所以有感而發,在blog整理了「我的主題曲」,不過還未整理完。
 
另外,我會在廣州、佛山消失幾日,blog暫停更新。

明訪廣東台 2005-7-25

  上次跟隨南方台出街拍外景,今次就明訪廣東台,其實兩台兩棟樓是連埋的。
 
  係威係勢咁壓低咗個身份證,換個出入證,就闖入了。首先要再次多謝官先生,佢總會有門路。一開波我哋就去咗睇《粵韻風華》錄製,原來不是現場收音的。道具廠房就比較恐怖,影咗張相就走了。之後就去看《外來媳婦本地郎》,不過錄影厰在lunch time也不准閒人進入。不過見到三叔阿燿,三嫂黃菲同埋處長。之前傾過偈的虎姐就唔喺度。
 
  最興奮就是看了體育頻道的控制室,真係好似k-100上面咁,好pro,雖然同TVB還有差距。《體育新聞》正準備直播,全世界都嚴陣以待。突然兩條茂喱入去影相,冇人理會,不過再突然殺出個類似領導的物體,趕了我們出去。
 
  之後就在廣東台同南方台的直播室兜咗一圈,好多平時出境的人真人更丑。而廣東台新聞部當然會戒備森嚴,冇入到去。
 
  中午飯仲搞笑,去電視臺的餐廳。見到tvs-1的《今日一線》記者棟起只腳食飯,嘔~~~~~~~~

underwear

今晚臨時決定去giby屋企,不過冇帶任何替換的衣服,所以要買。
 
  首先解释一下,今天事情的來龍去脈。因爲拉閘限電,新東方推遲了一個鐘頭上課,搞到好夜,而同我一齊來上課的小學同學又有事去中大搵人,所以臨時決定去giby屋企借宿。
 
  落課之後,就直驅天河北,去同一個眼闊肚窄的人食煎餃。如何眼闊,請看:一碟煎餃(5只,本人包辦3只)、一碟順德煎蝦餅(5只,本人包辦3只)、一碟炸芋餅(3只,每人1只半)、一碟齋腸、一碗雲吞面(本人包辦)、冰糖燉木瓜(本人包辦)、龜苓膏(眼闊肚窄的人包辦),總共盛惠¥37。
 
  然後就去買underwear。眼闊肚窄的人說我唔洗新買的底褲就著,因爲我唔要紙底褲!!!我開始拿了size L,不過個sells提醒我腰圍32,眼闊肚窄的人就說我會搞到孖煙囪咁。so,size M,okay.不過又冇黑色,米要紅色咯~~~~~~~~~~~~眼闊肚窄的人阻止我,我就話我又唔係同佢瞓,yeah,冇嘢講,贏咗。
 
  同一個女仔去買underwear,so strange!不過實踐證明,size M is not enough big,不過原因不是我huge。

我的少爺脾氣

  今日我的少爺脾氣又發作了。一開始是因爲有人俾唔到一個合理的理由俾我,當我小朋友,費事我廣州佛山頻頻僕僕。我每日都係咁嘎啦,提早d到廣州又點會影響我上新東方?!

  我知道我d少爺脾氣很不好,初一一入學就被人改了個很不好的花名——「少爺仔」。六年後,以爲自己已經改變,點知今日再次俾人laat着,除咗自己激氣質與,我諗仲會令人失望。

  當我已經下火,反思我的少爺脾氣是多麽的不好的時候,第二件事來了——我媽咪跌爛咗我只錶!跌爛不單只,仲要狡辯,推卸責任。仲要反問條痕係米我平時整花,講到我好似慶幸自己只錶爛咗可以有新咁。我咁中意呢只錶,有冇新我都要整番。仲諗住要keep到08年北京奧運,等呢只雅典奧運可以功成身退!!!最可惡的是推卸責任!我現在都要卸喇,我d少爺脾氣都係佢哋養成的,媽咪竟然主動卸脖,唔做好榜樣,我卸脖的時候不要怪我!最激氣就係我怒火中燒的時候,竟然彈一句「沖涼,冇你咁好氣」。我表弟真幸運,阿姨將佢部GBA跌欄咗就乖乖地買部新的。

  少爺脾氣傷身傷心傷神,要盡量避免。

直擊中大宿舍

  今日(Jul 19 2005)拜訪了兩位中大計算機系的大三哥哥,其中一位認識了很久,初一暑假一齊去黃山旅遊,不過就五年冇見。拜訪大學生又豈能「食佢哋只車」咁簡單,當然要直踩佢哋嘅大本營——男生宿舍。

  原來中大的宿舍不設防,無需任何登記,就可以直接踩上去。由於我哋訪客一行四人,一男三女,師兄要求三位女生不要周圍望。而我當然係每經過一閒宿舍都要偷窺一下裡面的情況。因爲宿舍冇冷氣,大家都係男人,好多人都淨著under或者孖煙囪上網。自己過過六年的寄宿生活,當然見慣不怪。

  講番中大宿舍,今次我上去的是六人間(¥600/年,另外有四人間¥1400/年),簡直唔係人住的地方。冇冷氣大家都可以接受,冇獨立洗手間都可以理解,畢竟用了這麽多年,但是冇瓷磚地板就真係難頂!!!大家可以想像一下我今日去的宿舍就像以前外校的成教宿舍(高一男生宿舍樓裝修前的情況),不堪入目!!!佢哋都話從珠海回到校本部有好大落差(不過可能冇我哋從北海香格里拉到湛江招待所咁大)。

  其實今日收穫不只是彈別人的宿舍怎樣怎樣,還認識了大學生活究竟是如何的。好像我最近認識的幾個大學生,他們沒有誇張的打扮,新潮的服飾,相反,他們很樸素,同我想象的非常不同。不過我想象得可能有點過分,因爲我總覺得大學生的花費很高,打扮新潮,就像常常回校的96、97師兄師姐咁樣。大學花費其實頗高,一個大男人每個月都要吃掉六舊水,而且不是每天大魚大肉時常出校那種。如果加上shopping、唱k,豈不好乸利?不過大學生還是學生,有著學生的天性,中大的亦然,我也請教了他們逃課、逃避軍訓的經驗。

  自己已經是一個准大學生,一直以爲自己有六年的寄宿經驗,會比別人容易適應,不過,看來大學生活還有很長的一段路要行,要學…………

郵箱被盜用的一天

  前晚在giby屋企玩到好顛,根本冇瞓,然後從7點一直瞓到1點。下午就去河南上新東方。一切好似好平靜,乜都冇發生。但係我一返到佛山,電話就嚟喇。好多人收到“我”的一封e-Mail,内容講到我好似想自殺咁。我立馬上網check check,發現已經好多人回復,問我發生咩事。我更改密碼之後,準備發送一份Announcement給全世界,點知郵箱已經超過了當日的最大發送量。
 
  天真的我還以爲上MSN給全世界解釋會冇事,點知今朝一早就收到美國親戚的長途電話,問我咩事。救命啊,根本冇事。點解咁多人會以爲我自殺,一d都唔了解我。今日個e-Mail已經恢復番,所以本人發表了一份中英文的聲明,全文如下:
 
聲明:
由於郵箱密碼被盜,你可能收到比較恐怖的電子郵件,請勿恐慌,我冇事
對你造成滋擾,請原諒
Announcement:
Because my e-mail box password was stolen, u maybe recieved some e-mail with terrible words. please don’t mention it and keep calm, i am ok and very happy.
Willy Lo
本身已經夠煩,現在搞鑊傑嘢,煩死!

Nothing Can Stop Me From Being Good

  如題:Nothing Can Stop Me From Being Good。無論結果如何,我都會勇敢面對。因爲正如giby所講,Nothing Can Stop Me From Being Good!!!又正如我個Blog的標題,Willy on the way, i won’t walk away.
 
  看了霆鋒的《南都》專訪,重溫了他的廣播劇《一路順風》,再回憶一下他從出道至今的路,看來並不一路順風。現在,他能重新站起來,得到肯定。我,期待霆鋒的突破,也期待自己的突破。
%d bloggers like this: